ശബരിമല സ്വര്ണക്കൊള്ളയില് ദേവസ്വം ഉദ്യോഗസ്ഥര്ക്കെതിരെ മൊഴി നൽകി ഉണ്ണികൃഷ്ണന് പോറ്റി മൊഴി. ഗൂഢാലോചനയില് ഉദ്യോഗസ്ഥര്ക്ക് പങ്കുണ്ടെന്നാണ് ഉണ്ണികൃഷ്ണന് പോറ്റി പറയുന്നത്. സ്വര്ണം ഉദ്യോഗസ്ഥര്ക്ക് വീതിച്ച് നല്കിയെന്നും ഉണ്ണികൃഷ്ണന് പോറ്റി മൊഴി നല്കി. കല്പേഷ് വന്നതും ഈ ഗൂഢാലോചനയുടെ ഭാഗമായാണെന്ന് ഉണ്ണികൃഷ്ണന് പോറ്റി പ്രത്യേക അന്വേഷണ സംഘത്തിന് വിവരം നൽകി.
ഇന്ന് വെളുപ്പിനെയാണ് ഉണ്ണികൃഷ്ണൻ പോറ്റിയെ അറസ്റ്റ് ചെയ്തത്. എസ്പി ശശിധരന്റെ നേതൃത്വത്തിലുള്ള പ്രത്യേക സംഘമാണ് ഉണ്ണികൃഷ്ണന് പോറ്റിയുടെ അറസ്റ്റ് രേഖപ്പെടുത്തിയത്. പത്ത് മണിക്കൂറോളം നീണ്ട ചോദ്യം ചെയ്യലിന് ഒടുവിലാണ് ഉണ്ണികൃഷ്ണന് പോറ്റിയെ അറസ്റ്റ് ചെയ്തത്.
ജനറൽ ആശുപത്രിയിലെത്തി വൈദ്യ പരിശോധനയ്ക്ക് ശേഷമാണ് ഉണ്ണികൃഷ്ണൻ പോറ്റിയുടെ അറസ്റ്റ് രേഖപ്പെടുത്തിയത്. ഉണ്ണികൃഷ്ണനെ വെള്ളിയാഴ്ച കോടതിയില് ഹാജരാക്കും.
Read more
മോഷ്ടിച്ച സ്വര്ണം ഉണ്ണികൃഷ്ണന് പോറ്റി കൈമാറിയത് കല്പേഷിനാണെന്ന് എസ്ഐടി കണ്ടെത്തിയിരുന്നു. കൂടാതെ ഉണ്ണികൃഷ്ണൻ പോറ്റിയുടെ ബെംഗളൂരു യാത്ര ദുരൂഹമെന്നും എസ്ഐടി വിലയിരുത്തിയിരുന്നു. ഉണ്ണികൃഷ്ണൻ പോറ്റിയുടെ മുന് മൊഴികളിലും വൈരുധ്യമുണ്ടെന്നും എസ്ഐടി കണ്ടെത്തി. ഇതിന്റെ അടിസ്ഥാനത്തിലായിരുന്നു ഉണ്ണികൃഷ്ണന് പോറ്റിയെ എസ്ഐടി കസ്റ്റഡിയില് എടുത്തത്.
