കേരള ജനത ഹൃദയവിശാലതയുള്ളവരും ആത്മവിശ്വാസമുള്ളവരുമാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ലോകത്തിന് മാതൃകയാണ് കേരളത്തിലെ തുല്യതയെന്നും അദ്ദേഹം പറഞ്ഞു. പത്തനാപുരത്ത് നടന്ന കോണ്‍ഗ്രസ് തിരഞ്ഞെടുപ്പ് പ്രചാരണ പരിപാടിയിലാണ് രാഹുല്‍ ഇക്കാര്യം വ്യക്തമാക്കിയത്.
അനവധി ആശയങ്ങളുടെ സമ്മേളനമാണ് ഭാരതം. ബിജെപിയും ആര്‍എസ്എസും അവരുടേതല്ലാത്ത മറ്റ് ശബ്ദങ്ങള്‍ എല്ലാം അടിച്ചമര്‍ത്താനാണ് ശ്രമിക്കുന്നത്. ഈ രാജ്യം ഭരിക്കുന്നത് ഒരു വ്യക്തിയും ഒരു ആശയവുമല്ല.
Read more
അവരുടെ ആശയത്തെ സ്വീകരിക്കാത്തവരെ തകര്‍ത്തുകളയുമെന്നാണ് ബിജെപിയുടെ നിലപാട്. അതിനിലാണ് കോണ്‍ഗ്രസിനെ രാജ്യത്ത് നിന്ന് തുടച്ച് നീക്കുമെന്ന് പ്രധാനമന്ത്രി പരസ്യമായി പ്രഖ്യാപിക്കുന്നത്. പക്ഷേ ഞങ്ങള്‍ പറയുന്നത് നിങ്ങളെ തിരഞ്ഞെടുപ്പില്‍ തോല്‍പ്പിക്കുമെന്നാണ്. ഒരിക്കലും നിങ്ങളെ ആക്രമിക്കുകയില്ല. നിങ്ങളുടെ തെറ്റിനെ സ്‌നേഹത്തിലൂടെയും അഹിംസയിലൂടെയും ബോധ്യപ്പെടുത്തുമെന്നും അദ്ദേഹം കൂട്ടിച്ചേര്‍ത്തു.
