നവംബര് 22 മുതല് സ്വകാര്യ ബസ് ഓപ്പറേറ്റേഴ്സ് കോര്ഡിനേഷന് കമ്മിറ്റിയുടെ നേതൃത്വത്തില് സംസ്ഥാനത്ത് നടത്താനിരുന്ന സ്വകാര്യബസ് സമരം മാറ്റിവെച്ചു. സ്വകാര്യബസുടമകളുമായി ഗതാഗത മന്ത്രി എ കെ ശശീന്ദ്രന് നടത്തിയ ചര്ച്ചയിലാണ് തീരുമാനം. ഡിസംബര് ആദ്യവാരം വീണ്ടും ചര്ച്ച നടത്താമെന്ന് ബസുടമകള്ക്ക് മന്ത്രി ഉറപ്പ് നല്കി.
Read more
മിനിമം നിരക്ക് പത്ത് രൂപയാക്കുക, മിനിമം നിരക്കില് സഞ്ചരിക്കാവുന്ന ദൂരം രണ്ടര കിലോമീറ്ററാക്കി കുറയ്ക്കുക, വിദ്യാര്ത്ഥികളുടെ മിനിമം നിരക്ക് അഞ്ച് രൂപയാക്കുക തുടങ്ങിയവയാണ് സ്വകാര്യ ബസുടമകള് ആവശ്യപ്പെടുന്നത്. ആവശ്യങ്ങള് പഠിക്കാന് കഴിഞ്ഞവര്ഷം സര്ക്കാര് ജസ്റ്റിസ് രാമചന്ദ്രന് കമ്മീഷനെ ചുമലതപ്പെടുത്തിയെങ്കിലും തുടര് നടപടി ഇല്ലാത്തതിനാലാണ് ബസുടമകള് സമരത്തിന് ഒരുങ്ങിയത്.