ദുരിതാശ്വാസപ്രവര്ത്തനങ്ങളുമായി ബന്ധപ്പെട്ട് സാമൂഹിക മാധ്യമങ്ങളിലൂടെ വ്യാജവാര്ത്തകള് പ്രചരിപ്പിച്ചതിന് ഒരാളെ അറസ്റ്റ് ചെയ്തിട്ടുണ്ടെന്നും ഇതുവരെ 27 കേസുകള് രജിസ്റ്റര് ചെയ്തെന്നും സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു.
തിരുവല്ല പൊലീസ് സ്റ്റേഷനില് രജിസ്റ്റര് ചെയ്ത കേസില് ഇരവിപേരൂര് പൊയ്കപ്പാടി കാരിമലയ്ക്കല് വീട്ടില് തമ്പിയുടെ മകന് രഘു(48) ആണ് അറസ്റ്റിലായത്.
തിരുവനന്തപുരം സിറ്റി, തിരുവനന്തപുരം റൂറല്, പത്തനംതിട്ട, കോട്ടയം, ആലപ്പുഴ, തൃശൂര് സിറ്റി, മലപ്പുറം, വയനാട് എന്നിവിടങ്ങളില് രണ്ടു വീതവും കൊല്ലം സിറ്റി, കൊല്ലം റൂറല്, ഇടുക്കി, എറണാകുളം സിറ്റി, എറണാകുളം റൂറല്, തൃശൂര് റൂറല്, പാലക്കാട്, കോഴിക്കോട് സിറ്റി, കോഴിക്കോട് റൂറല്, കണ്ണൂര്, കാസര്ഗോഡ് എന്നിവിടങ്ങളില് ഒന്ന് വീതവും കേസുകളാണ് വ്യാജവാര്ത്തകളുമായി ബന്ധപ്പെട്ട് രജിസ്റ്റര് ചെയ്തിരിക്കുന്നത്.
Read more
രജിസ്റ്റര് ചെയ്ത കേസുകള് സംബന്ധിച്ച് സൈബര് സെല്, സൈബര് ഡോം, ഹൈടെക് സെല് എന്നിവ വിശദമായി അന്വേഷണം ആരംഭിച്ചിട്ടുണ്ട്. വ്യാജവാര്ത്തകള് പ്രചരിപ്പിക്കുന്നവര്ക്കെതിരെയുള്ള അന്വേഷണവും മറ്റു നിയമനടപടികളും ഊര്ജ്ജിതപ്പെടുത്തിയതായി ലോകനാഥ് ബെഹ്റ അറിയിച്ചു.