മാധ്യമ പ്രവർത്തകർക്ക് എതിരെ സൈബർ ആക്രമണം; ശ്രദ്ധയിൽ പെട്ടിട്ടില്ലെന്ന് മുഖ്യമന്ത്രി, ജീവനക്കാരന്റെ നടപടിയിൽ യോജിപ്പില്ലെന്ന് പി. രാജീവ്

മാധ്യമ പ്രവർത്തകർക്കെതിരായ നടക്കുന്ന സൈബർ ആക്രമണമങ്ങൾ തന്റെ ശ്രദ്ധയിൽ പെട്ടിട്ടില്ലെന്ന് മുഖ്യമന്ത്രി പിണറായി വിജയൻ. സംഭവത്തിൽ കേരള പത്രപ്രവർത്തക യൂണിയന്റെ പരാതി തനിക്ക് ലഭിച്ചിട്ടില്ലെന്നും മുഖ്യമന്ത്രി പറഞ്ഞു.

ആരോഗ്യകരമായ സംവാദം നടക്കട്ടെ, അനാരോഗ്യകരമായ ചർച്ചകൾ നല്ലതല്ലെന്നും അദ്ദേഹം പറഞ്ഞു. ഇതേ സമയം മാധ്യമ പ്രവർത്തകയായ നിഷ പുരുഷോത്തമനെതിരെ ദേശാഭിമാനി ജീവനക്കാരൻറെ അധിക്ഷേപ പരാമർശത്തോട് യോജിപ്പില്ലെന്ന് പത്രത്തിൻറെ ചീഫ് എഡിറ്റർ പി. രാജീവ് പറഞ്ഞു.

https://www.facebook.com/prajeev.cpm/posts/3502523676426373

തന്റെ ഫെയ്സ്ബുക്ക് കുറിപ്പിലൂടെയാണ് പി. രാജീവ് ഇക്കാര്യ വ്യക്തമാക്കിയത്. ഇതു സംബന്ധിച്ച് ദേശാഭിമാനിയിൽ സർക്കുലേഷൻ വിഭാഗത്തിൽ ജോലി ചെയ്യുന്നയാളോട് വിശദീകരണം ചോദിച്ചിട്ടുണ്ടെന്നാണ് പി രാജീവ് കുറിച്ചു.

https://www.facebook.com/nishapurushoth2/posts/2353834018245833

എന്നാൽ സൈബർ ആക്രമണത്തെ ന്യായീകരിച്ച് എൽഡിഎഫ് കൺവീനർ എ. വിജയരാഘവൻ രം​ഗത്തെത്തി. മാധ്യമ പ്രവർത്തകർ സിപിഎം നേതാക്കളെ വിമർശിക്കുന്നത് കൊണ്ടാണ് തിരിച്ച് വ്യക്തിപരമായി അധിക്ഷേപങ്ങൾ വരുന്നതെന്ന് മാധ്യമ പ്രവർത്തകരുടെ ചോദ്യത്തിന് വിജയരാഘവൻ മറുപടി നൽകി.