പ്രതിപക്ഷനേതാവ് രമേശ് ചെന്നിത്തല നയിക്കുന്ന പടയൊരുക്കം യാത്രയുടെ സമാപന സമ്മേളനം ചുഴലിക്കാറ്റിനെ തുടര്‍ന്ന് മാറ്റിവച്ചു. തുടര്‍ന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ കേരള സന്ദര്‍ശനവും മാറ്റിവച്ചു.
ഈ മാസം ആദ്യം കാസര്‍കോഡ് ഉപ്പളയില്‍ നിന്നും തുടങ്ങിയ യാത്ര നാളെ ശംഖുമുഖത്തെ സമാപനസമ്മേളനത്തോടെ അവസാനിപ്പിക്കാനായിരുന്നു തീരുമാനം. സമാപന സമ്മേളനം ഉദ്ഘാടനം ചെയ്യാന്‍ കോണ്‍ഗ്രസ് ഉപാദ്ധ്യക്ഷന്‍ രാഹുല്‍ ഗാന്ധി എത്തുമെന്നാണ് അറിയിച്ചത്. എന്നാല്‍ പ്രതികൂല കാലാവസ്ഥ കാരണം സമാപന സമ്മേളനം മാറ്റിവച്ചെന്നും രാഹുല്‍ എത്തില്ലയെന്നും രമേശ് ചെന്നിത്തല ഫേസ്ബുക്കിലൂടെയാണ് അറിയിച്ചത്. തിരുവന്തപുരം ശംഖുമുഖം കടപ്പുറമാണ് സമാപന സമ്മേളനത്തിന്റെ വേദിയാക്കാന്‍ നിശ്ചയിച്ചതെന്നും സുരക്ഷ കാരണങ്ങള്‍ മുന്‍നിര്‍ത്തി പരിപാടി മാറ്റിവക്കുന്നുവെന്നും അറിയിച്ചു.
https://www.facebook.com/rameshchennithala/posts/1681590921899407
Read more
14 ജില്ലകളിലൂടെ ഒരു മാസത്തെ പര്യടനം നാളെ അവസാനിപ്പിക്കാനായിരുന്നു തീരുമാനിച്ചിരുന്നത്. തിരുവന്തപുരം ജില്ലയുടെ തീരമേഖലകള്‍ ശക്തമായ കാറ്റും മഴയുമാണ് നേരിടുന്നത്. ഈ പ്രതികൂല കാലാവസ്ഥയിലാണ് സമ്മേളനം മാറ്റിവച്ചത്‌
