പ്രളയത്തില്‍ കൈപിടിച്ച മത്സ്യതൊഴിലാളിയെ ചേര്‍ത്ത് പിടിച്ച് ആലപ്പുഴ. പ്രളയ സമയത്ത് മറ്റുള്ളവരെ ഇടയില്‍ നഷ്ടപെട്ട വള്ളത്തിനും വലക്കും പകരം പുതിയത് മത്സ്യത്തൊഴിലാളിയായ പള്ളിത്തോട് അറക്കല്‍ ജോസഫിന് ആലപ്പുഴ ജില്ലാ കളക്ടര്‍ എസ് സുഹാസ് സമ്മാനിച്ചു. ഇക്കാര്യം കളക്ടര്‍ തന്നെയാണ് ഫെയ്‌സ്ബുക്കിലൂടെ അറിയിച്ചത്.
നേരത്തെ സര്‍ക്കാര്‍ പ്രളയത്തില്‍ രക്ഷാപ്രവര്‍ത്തതിനിടെ വള്ളവും വലയും നഷ്ടപ്പെട്ടവര്‍ക്ക് അതിന് പകരം പുതിയത് നല്‍കുമെന്ന് പ്രഖ്യാപിച്ചിരുന്നു
ഫെയ്‌സ്ബുക്ക് പോസ്റ്റിന്റെ പൂര്‍ണ്ണരൂപം
മറക്കില്ല ഒരിക്കലും….
ഏതൊരു ആലപ്പുഴക്കാരനെയും പോലെ മത്സ്യത്തൊഴിലാളി സഹോദരങ്ങള്‍ പ്രളയകാലത്തു നമുക്ക് സല്‍കിയ സേവനങ്ങള്‍ക്കു എത്ര നന്ദി പറഞ്ഞാലും മതിയാവില്ല എന്നൊതുകൊണ്ടു മത്സ്യത്തൊഴിലാളിയായ പള്ളിത്തോട് അറക്കല്‍ ജോസഫ് ചേട്ടന് സ്‌നേഹോപഹാരമായി പ്രളയ സമയത്തു മറ്റു സഹോദരങ്ങളെ സഹായിക്കുന്നതിന് ഇടയില്‍ നഷ്ടപെട്ട വള്ളത്തിനും വലക്കും പകരം പുതിയത് നല്കാന്‍ ഭാഗ്യം ഇന്നാണ് ഉണ്ടായതു .
ജോസഫ് ചേട്ടനെ പോലെയുള്ള അനവതി ചേട്ടന് മാരുടെ മുഖത്തെ പുഞ്ചിരി കാണുവാനാണെനിക്കിഷ്ടം .
