കോഴിക്കോട്ട് വിവാഹ ആഘോഷങ്ങള്‍ നടക്കുന്ന വീട്ടില്‍ നിന്നു പകര്‍ത്തിയ വീഡിയോയില്‍ കണ്ടത് പുലിയല്ല. വീഡിയോയില്‍ കണ്ടത് കാട്ടുപൂച്ചയായിരുന്നു എന്നാണ് വനം വകുപ്പ് ഉദ്യോഗസ്ഥര്‍ പറയുന്നത്. കഴിഞ്ഞ ദിവസം കോഴിക്കോട് പെരുവയല്‍ പള്ളിത്താഴത്ത് കോളാട്ട് രവിയുടെ വീട്ടിലെ വിവാഹ സത്കാരത്തിനിടെ പകര്‍ത്തിയ വീഡിയോയിലാണ് പുലിയെ കണ്ടതായി വാര്‍ത്ത വന്നത്.
വിവാഹ സത്കാരത്തിനിടെ എടുത്ത ദൃശ്യങ്ങള്‍ കുട്ടികള്‍ എടുത്ത് വാട്സാപ്പ് ഗ്രൂപ്പിലിട്ടിരുന്നു. ഈ വീഡിയോ കണ്ട വാട്സാപ്പ് ഗ്രൂപ്പിലെ മറ്റ് അംഗങ്ങളാണ് ദൃശ്യത്തില്‍ പുലിയെ കണ്ടത്. തുടര്‍ന്ന് ഉടന്‍ തന്നെ പൊലീസിനെയും വനം വകുപ്പ് ഉദ്യോഗസ്ഥരെയും വിവരമറിയിക്കുകരയായിരുന്നു. വനം വകുപ്പ് അധികൃതര്‍ എത്തി വിശദ്ധമായ അന്വേക്ഷണത്തിലാണ് കണ്ടത് പുലിയെയല്ല കാട്ടുപൂച്ചയാണെന്ന് തെളിഞ്ഞത്.
പുലിയിറങ്ങിയ എന്ന വാര്‍ത്ത പരന്നതോടെ ജനങ്ങള്‍ പരിഭ്രാന്തരായിരുന്നു. ആദ്യം സ്ഥലത്തെത്തിയ പൊലീസ് പുറത്തിറങ്ങരുതെന്ന് ജാഗ്രതാ നിര്‍ദേശവും നല്‍കിയിരുന്നു. വനം വകുപ്പിന്റെ പ്രത്യേക അന്വേക്ഷണത്തിലാണ് കണ്ടത് പുലിയെ അല്ലെന്ന് തെളിഞ്ഞത്.
Read more
https://www.facebook.com/rajithkumar.mt/videos/vb.100002905143813/1543731985733625/?type=3&theater
