കണ്ണൂരിൽ സിപിഐഎമ്മിന്‍റെ അമരത്ത് പി. ജയരാജൻ തന്നെ തുടരും. ജില്ലാ സമ്മേളനത്തിന്‍റെ അവസാന ദിവസമായ ഇന്ന് നടന്ന ജില്ലാ കമ്മിറ്റി തെരഞ്ഞെടുപ്പിനു ശേഷമാണ് ജില്ലാ സെക്രട്ടറിയായി പി.ജയരാജനെ വീണ്ടും തെരഞ്ഞെടുത്തത്.
വിവാദ മുഖങ്ങളിലൂടെ സംസ്ഥാന സമിതിയുടെ വിമർശനമേറ്റു വാങ്ങിയിരുന്നെങ്കിലും ജില്ലയിൽ തന്റെ ശക്തി തെളിയിച്ചാണ് ജയരാജൻ ജില്ലാ സെക്രട്ടറി സ്ഥാനത്ത് വീണ്ടും തെരഞ്ഞെടുക്കപ്പെട്ടത്. കമ്മിറ്റിയിൽ വിമർശന ശബ്ദമുയർന്നെങ്കിലും ഭൂരിപക്ഷം ജില്ലാ പ്രതിനിധികൾ ജയരാജനു പിന്നിൽ ശക്തമായി നിലയുറപ്പിച്ചതോടെ ജയരാജൻ സെക്രട്ടറി പദവി തുടരാൻ കളമൊരുങ്ങുകയായിരുന്നു.
Read more
ആദ്യദിവസം നടന്ന ചർച്ചയിൽ പങ്കെടുത്ത കൂത്തുപറമ്പ്, മട്ടന്നൂർ ഏരിയകളിൽ നിന്നുള്ള പ്രതിനിധികൾ പി.ജയരാജനെതിരെ സംസ്ഥാന സമിതി കൈകൊണ്ട നടപടി അനവസരത്തിലായെന്ന് അഭിപ്രായപ്പെട്ടിരുന്നു. ഇതോടൊപ്പം 49 അംഗ ജില്ലാ കമ്മിറ്റിയെയും തിരഞ്ഞെടുത്തു. ഇതിൽ ആറു പേർ പുതുമുഖങ്ങളാണ്. കിഴക്കേ കതിരൂർ സ്വദേശിയായ പി. ജയരാജൻ കൂത്തുപറമ്പിനെ മൂന്നു തവണ നിയമസഭയിൽ പ്രതിനിധീകരിച്ചിട്ടുണ്ട്.
