തൃശൂര്‍ നഗരത്തില്‍ ശമനമില്ലാതെ മഴ തുടരുന്നതിനാല്‍ പൂരം വെടിക്കെട്ട് വീണ്ടും മാറ്റിവച്ചു. നഗരത്തില്‍ കനത്ത മഴ തുടരുന്നത് വെടിക്കെട്ട് നടത്തുന്നതിന് തടസമായി. മഴമാറിയാല്‍ രണ്ട് ദിവസത്തിന് ശേഷം നടത്താന്‍ ആലോചന. അതുവരെ വെടിക്കെട്ട് സാമഗ്രികള്‍ സൂക്ഷിക്കും.
ഞായറാഴ്ച വൈകിട്ട് വെടിക്കെട്ട് നടത്താനാകുമോയെന്നാണ് ഇപ്പോള്‍ ആലോചിക്കുന്നത്. ബുധനാഴ്ച പുലര്‍ച്ചെ മൂന്നു മണിക്കു നടക്കേണ്ടിയിരുന്ന വെടിക്കെട്ട് കനത്ത മഴയെ തുടര്‍ന്ന് മാറ്റിവെക്കുകയായിരുന്നു. ബുധനാഴ്ച രാത്രി ഏഴു മണിക്കു വെടിക്കെട്ട് നടത്താനായിരുന്നു തീരുമാനം. എന്നാല്‍ മഴ തുടര്‍ന്നതോടെ ഇതു വീണ്ടും മാറ്റുകയായിരുന്നു.
Read more
ചൊവ്വാഴ്ച കുടമാറ്റം നടക്കുമ്പോള്‍ മുതല്‍ തൃശൂര്‍ നഗരത്തില്‍ ചെറിയ മഴയുണ്ടായിരുന്നു. വൈകിട്ടോടെ മഴ കനത്തു.
