എസ്.എഫ്.ഐക്കെതിരെ രംഗത്തെത്തിയ എറണാകുളം ജില്ലാ സെക്രട്ടറിയെ തിരുത്തി സി.പി.ഐ; ‘പി. രാജുവിനോട് വിശദീകരണം തേടും’

Gambinos Ad
ript>

എസ്എഫ്ഐക്കെതിരെ വിമര്‍ശനമുയര്‍ത്തിയ സിപിഐ എറണാകുളം ജില്ലാ സെക്രട്ടറി പി.രാജുവിനോട് വിശദീകരണം തേടാന്‍ സിപിഐ സംസ്ഥാന കമ്മറ്റി തീരുമാനിച്ചു. സിപിഐ സംസ്ഥാന എക്‌സിക്യൂട്ടിവിലാണ് തീരുമാനം ഉണ്ടായത്. നേരത്തെ എസ്എഫ്‌ഐയെ വിമര്‍ശിച്ച് രംഗത്തെത്തിയ രാജുവിന്റെ നിലപാടിനെ തള്ളി പാര്‍ട്ടി സംസ്ഥാന സെക്രട്ടറി കാനം രാജേന്ദ്രന്‍ രംഗത്ത് വന്നിരുന്നു. പി.രാജുവിന്റെ പ്രസ്താവന അനവസരത്തില്‍ ഉള്ളതാണെന്നും, പാര്‍ട്ടി നിലപാട് വ്യത്യസ്തമാണെന്നും കാനം പ്രതികരിച്ചു.

Gambinos Ad

പി.രാജുവിന്റെ പ്രസ്താവന സിപിഐയുടെ ഔദ്യോഗിക നിലപാടല്ല. കൊല നടത്തിയ തീവ്രവാദികള്‍ക്കെതിരേ ജനവികാരം ഉയരുകയാണ്. അപ്പോള്‍ ഏതെങ്കിലും വിദ്യാര്‍ത്ഥി സംഘടനയുടെ വ്യാകരണപ്പിശക് കണ്ടുപിടിക്കാനല്ല ശ്രമിക്കേണ്ടത്. ഇത്തരം പ്രസ്താവനകള്‍ കുറ്റക്കാരെ സഹായിക്കാനേ ഉതകൂ- കാനം പറഞ്ഞു.

കോളജില്‍ ആധിപത്യമുള്ള സംഘടനകള്‍ മറ്റു വിദ്യാര്‍ത്ഥി സംഘടനകള്‍ക്ക് പ്രവര്‍ത്തനസ്വാതന്ത്ര്യം ഉറപ്പു വരുത്താന്‍ ആവശ്യമായ നടപടി സ്വീകരിക്കണമെന്നും കലാലയത്തില്‍ ആധിപത്യമുള്ള വിദ്യാര്‍ത്ഥി സംഘടന മറ്റു പ്രസ്ഥാനങ്ങള്‍ക്ക് പ്രവര്‍ത്തന സ്വാതന്ത്ര്യം നല്‍കാത്തത് ജനാധിപത്യവിരുദ്ധമാണെന്നുമായിരുന്നു പി.രാജുവിന്റെ പരാമര്‍ശം.

പി. രാജുവിന്റെ ആരോപണങ്ങള്‍ക്ക് മറുപടിയുമായി എം. സ്വരാജ് എംഎല്‍എ രംഗത്ത് വന്നിരുന്നു. കേരളത്തിലെ ക്യാമ്പസുകളിലെ ഇത്തരം സാഹചര്യങ്ങള്‍ സംബന്ധിച്ച് സംവാദം നടത്താന്‍ തയാറാണെന്നും ചരിത്രവസ്തുതകള്‍ പരിശോധിക്കാമെന്നും കൊലയാളികള്‍ക്കൊപ്പം ക്യാമ്പസുകള്‍ നില്‍ക്കില്ലെന്നും, പി. രാജു ഉന്നയിച്ച പ്രശ്നങ്ങള്‍ അസംബന്ധമാണെന്നും സ്വരാജ് വ്യക്തമാക്കിയിരുന്നു.