സംസ്ഥാനത്ത് കോവിഡ് വ്യാപനം രൂക്ഷമാണെന്ന് മന്ത്രി സഭായോഗം. കര്‍ശന ജാഗ്രത വേണം എന്ന് മുഖ്യമന്ത്രി പിണറായി വിജയന്‍ പറഞ്ഞു. ഓണ്‍ലൈനായാണ് മുഖ്യമന്ത്രി യോഗത്തില്‍ പങ്കെടുത്തത്.
രണ്ടാം തരംഗത്തെ അപേക്ഷിച്ച് കോവിഡ് വ്യാപനം രൂക്ഷമാണ്. നിയന്ത്രണങ്ങള്‍ കര്‍ശനം ആക്കേണ്ടി വരും എന്നാണ് യോഗം വിലയിരുത്തിയത്. നിയന്ത്രണങ്ങളെ സംബന്ധിച്ച് മുഖ്യമന്ത്രിയുടെ അദ്ധ്യക്ഷതയില്‍ നാളെ ചേരുന്ന അവലോകന യോഗത്തില്‍ തീരുമാനിക്കും.
Read more
രണ്ടാം തരംഗത്തെ അപേക്ഷിച്ച് ആശുപത്രിയില്‍ പ്രവേശിപ്പിക്കുന്ന രോഗികളുടെ എണ്ണം കുറവാണ് എന്നാണ് സര്‍ക്കാരിന്റെ വിലയിരുത്തല്‍. ആശുപത്രികളിലെ ഐസിയു, വെന്റിലേറ്ററിലെ ഓക്‌സിജന്‍ സൗകര്യം എന്നിവ തൃപ്തികരമാണ്. സാഹചര്യം നേരിടാന്‍ ആശുപത്രികള്‍ സജ്ജമാണ് എന്നും സര്‍ക്കാര്‍ അറിയിച്ചു.
