കോവിഡിനെ തുടര്ന്ന് മടങ്ങി വരുന്ന പ്രവാസികളുടെ ആദ്യസംഘം ഇന്ന് കൊച്ചിയിലെത്തും. ഇവരെ സ്വീകരിക്കാനുള്ള എല്ലാ ക്രമീകരണങ്ങളും പൂര്ത്തിയായി. നിലവിലെ സമയക്രമമനുസരിച്ച് അബുദാബിയില് നിന്നുള്ള എയര് ഇന്ത്യ എക്സ്പ്രസ് വിമാനം വ്യാഴാഴ്ച രാത്രി 9.40 ഓടെ കൊച്ചി വിമാനത്താവളത്തിലെത്തും.
യാത്രക്കാരില് 25 പേരാണ് എറണാകുളം ജില്ലയിലേക്കുള്ളത്. തൃശൂര് – 73, പാലക്കാട് – 13, മലപ്പുറം – 23, കാസര്ഗോഡ് – 1, ആലപ്പുഴ -15, കോട്ടയം – 13, പത്തനംതിട്ട – 8 എന്നിങ്ങനെയാണ് മറ്റു ജില്ലകളില് നിന്നുള്ളവരുടെ കണക്ക്.
Read more
ഇവരെ വിമാനത്താവളത്തില് നിന്നും അതത് ജില്ലകളിലെ ക്വാറന്റൈന് കേന്ദ്രങ്ങളിലേക്ക് എത്തിക്കും. ഗര്ഭിണികള്, മുതിര്ന്ന പൗരന്മാര്, പത്തു വയസില് താഴെയുള്ള കുട്ടികള് എന്നിവര്ക്ക് അവരവരുടെ വീടുകളിലാണ് ക്വാറന്റൈന് നിശ്ചയിച്ചിട്ടുള്ളത്. കാസര്ഗോഡ് സ്വദേശിക്ക് തത്കാലം എറണാകുളത്താണ് ക്വാറന്റൈന് ഒരുക്കിയിരിക്കുന്നത്. കളമശേരിയിലെ എസ് സി എം എസ് ഹോസ്റ്റലിലാണ് ജില്ലയിലെത്തുന്ന പ്രവാസികള്ക്ക് ക്വാറന്റൈന് ഒരുക്കിയിട്ടുള്ളത്.