പാലാ ബിഷപ്പിനെ പിന്തുണച്ച് തൃശൂർ യു.ഡി.എഫ് ഇറക്കിയ വാർത്താക്കുറിപ്പിനെ ചൊല്ലി വിവാദം. നാർക്കോട്ടിക് ജിഹാദെന്ന പാലാ ബിഷപ്പ് ജോസഫ് കല്ലറങ്ങാട്ടിൻറെ പരാമർശം സദുദ്ദേശത്തോടെയാണെന്നും പ്രസ്താവനയിൽ അനാവശ്യ വിവാദം ഉണ്ടാക്കുന്നുവെന്നുമാണ് വാർത്താക്കുറിപ്പിൽ പറയുന്നത്. എന്നാൽ യു.ഡി. എഫ് ജില്ലാ കൺവീനർ കെ.എ ഗിരിജൻ ഓഫീസ് സ്റ്റാഫിനെ സ്വാധീനിച്ച് വാർത്താക്കുറിപ്പിറക്കിയതാണെന്ന് ഡി.സി.സി പ്രസിഡന്‍റ് ജോസ് വള്ളൂർ ആരോപിച്ചു.
ലവ് ജിഹാദ് പോലെയുള്ള പ്രവർത്തനങ്ങൾ ഉണ്ടായാൽ ഗവണ്‍മെന്‍റ് ശക്തമായ നടപടി എടുക്കണം എന്നാണ് ബിഷപ്പ് ഉദ്ദേശിച്ചതെന്നും വിഷയത്തെ ഫാസിസ്റ്റ് ശക്തികൾ ദുരുപയോഗം ചെയ്‌തെന്നും പ്രസ്താവനയിൽ പറയുന്നു. സംഭവം വിവാദമായതോടെ യു.ഡി.എഫ് കൺവീനറുടെ നടപടിയെ ചോദ്യം ചെയ്തു ഡി.സി.സി പ്രസിഡന്‍റ് രംഗത്തു വന്നു.
Read more
യു.ഡി.എഫ് യോഗത്തിൽ ചർച്ച ചെയ്യാത്ത വിഷയം കോൺഗ്രസ്‌ ജില്ല കമ്മിറ്റിയുടെ ഔദ്യോഗിക മെയിലിലൂടെ പുറത്തു വന്നത് വിവാദമായിരിക്കുകയാണ്. വിഷയത്തിൽ മുസ്‍ലിം ലീഗ് അടക്കമുള്ള ഘടക കക്ഷികൾ പ്രതിഷേധവുമായി രംഗത്തു വരുമെന്നാണ് സൂചന.
