കൂടത്തായി കേസില്‍ അന്വേഷണ സംഘത്തിനെയും കേരള പൊലീസിനെയും അഭിനന്ദിച്ച് മുഖ്യമന്ത്രി പിണറായി വിജയന്‍. കേസിന്റെ ചുരുളഴിക്കാനായത് കേരള പോലീസിന്റെ മികവിന് ഉദാഹരണമാണെന്നും മുഖ്യമന്ത്രി പറഞ്ഞു. കേരള പിറവി ദിനത്തില്‍ തിരുവനന്തപുരത്ത് നടന്ന റെയ്സിംഗ് ഡേ ദിന പരേഡില്‍ സംസാരിക്കുകയായിരുന്നു അദ്ദേഹം.
രാജ്യത്തിനുളളിലും പുറത്തും കേരള പൊലീസിന്റെ അന്വേഷണ മികവ് ഏറെ പ്രശംസിക്കപ്പെട്ടതാണ്. നാടിനെ ഞെട്ടിച്ച കൂടത്തായി കൊലപാത പരമ്പര കേസ് തെളിയിക്കാന്‍ പറ്റിയത് പോലീസിന്റെ കഴിവുറ്റ പ്രവര്‍ത്തനത്തിന്റെ ഭാഗമാണ്. കിട്ടിയ പരാതി പരിശോധിച്ച് പ്രതിയെന്ന് സംശയിക്കുന്ന ആളെ ഏറെ നാള്‍ നിരീക്ഷിച്ച ശേഷമാണ് അറസ്റ്റ് ഉള്‍പ്പടെയുള്ള നടപടികളിലേക്ക് പൊലീസ് കടന്നതെന്നും മുഖ്യമന്ത്രി പറഞ്ഞു.
Read more
അതേസമയം കൂടത്തായി ആല്‍ഫൈന്‍ വധക്കേസില്‍ ജോളിയുടെ കസ്റ്റഡി കാലാവധി നീട്ടി നല്‍കണമെന്ന് ആവശ്യപ്പെട്ട് പൊലീസ് ഇന്ന് കോടതിയില്‍ ഹര്‍ജി നല്‍കും. കൂടുതല്‍ തെളിവ് ശേഖരിക്കാനുണ്ടെന്ന് കാണിച്ചാണ് കസ്റ്റഡി നീട്ടി നല്‍കാന്‍ ആവശ്യപ്പെടുക.
