മാന്നാര് മഹാത്മാഗാന്ധി ജലോത്സവത്തില് കേരള പൊലീസിന്റെ നിരണം ചുണ്ടന് വിജയിച്ചത് ചതിയിലൂടെയെന്ന് ആരോപണം. മത്സരത്തില് രണ്ടാം സ്ഥാനത്തെത്തിയ ചെറുതന ചുണ്ടന്റെ അമരക്കാരനെ പങ്കായം കൊണ്ട് കുത്തി വെള്ളത്തില് തള്ളിയിട്ടാണ് നിരണം ചുണ്ടന് ഒന്നാമതെത്തിയതെന്നാണ് വിമര്ശകര് പറയുന്നത് . ഇതിന്റെ വീഡിയോയും പുറത്തുവന്നിട്ടുണ്ട്.
കേരള പൊലീസ് ബോട്ട് ക്ലബ് തുഴഞ്ഞ നിരണം ചുണ്ടനെ പിന്നിലാക്കി ചെറുതന ചുണ്ടന് കിരീടം സ്വന്തമാക്കുമെന്നായപ്പോഴായിരുന്നു നീക്കം. ഇത് പുറത്തുവന്ന ദൃശ്യങ്ങളില് കാണാം. തുടര്ന്ന് നിയന്ത്രണം നഷ്ടപ്പെട്ട ചെറുതന ചുണ്ടന് ഒഴുക്കില് പെട്ട് മുങ്ങുകയായിരുന്നു.
പൊലീസ് ബോട്ട് ക്ലബ്ബിന് ഒന്നാം സമ്മാനം നല്കരുതെന്ന് ആവശ്യപ്പെട്ട നാട്ടുകാരെ പൊലീസ് മര്ദ്ദിച്ചുവെന്നും ആരോപണമുണ്ട്. സുരക്ഷ ഒരുക്കേണ്ട പോലീസ് തന്നെ അക്രമങ്ങള് അഴിച്ചു വിട്ടുവെന്ന് ചെറുതന ചുണ്ടന്റെ സംഘാടകര് പറഞ്ഞു.
Read more
ദൃശ്യങ്ങള് സഹിതം പരാതിപ്പെട്ടിട്ടും നടപടി എടുത്തില്ലെന്നും ഇവര് പ്രതികരിച്ചു. തെളിവുകളുമായി കോടതിയെ സമീപിക്കാന് ഒരുങ്ങുകയാണ് സംഘാടകര്.