ജയ്ഹിന്ദ് ടി.വി പ്രസിഡന്റ് സ്ഥാനമടക്കം വിവിധ പദവികളില് നിന്നും രാജിവെച്ച് രമേശ് ചെന്നിത്തല. രാജീവ് ഗാന്ധി ഇന്സ്റ്റിറ്റ്യൂട്ട് ചെയര്മാന് സ്ഥാനവും കെ കരുണാകരന് ഫൗണ്ടേഷനിലെ ചെയര്മാന് സ്ഥാനവും ചെന്നിത്തല രാജിവെച്ചു. കഴിഞ്ഞ മെയ് 24 നാണ് ചെന്നിത്തല രാജി നല്കിയത്. ഏറെക്കാലമായി രമേശ് ചെന്നിത്തല തുടരുന്ന സ്ഥാനങ്ങളാണിത്.
കെപിസിസി അദ്ധ്യക്ഷനാണ് ഈ സ്ഥാനങ്ങള് വഹിക്കേണ്ടതെന്ന് രമേശ് ചെന്നിത്തല പ്രതികരിച്ചു. മുല്ലപ്പള്ളി രാമചന്ദ്രന് ഏറ്റെടുക്കാത്തതിനാലാണ് സ്ഥാനങ്ങളില് തുടര്ന്നത്. പുതിയ അദ്ധ്യക്ഷനെത്തിയപ്പോള് രാജി നല്കിയെന്നാണ് ചെന്നിത്തലയുടെ വിശദീകരണം. അതേസമയം, ചെന്നിത്തലയുടെ രാജി സ്വീകരിച്ചിട്ടില്ലെന്നാണ് കോൺഗ്രസ് നേതൃത്വം വിശദീകരിക്കുന്നത്. ചർച്ചകൾ നടക്കുന്നുണ്ടെന്നും സൂചനകളുണ്ട്.
വി എം സുധീരനും മുല്ലപ്പള്ളി രാമചന്ദ്രനും കെപിസിസി അദ്ധ്യക്ഷ സ്ഥാനത്ത് വന്ന സമയത്തും രമേശ് ചെന്നിത്തല ഈ സ്ഥാനങ്ങളില് തുടരുകയായിരുന്നു. അവര്ക്ക് രണ്ട് പേര്ക്കും ഈ സ്ഥാനങ്ങള് ഏറ്റെടുക്കാന് താത്പര്യമില്ലായിരുന്നു എന്നാണ് ഇതു സംബന്ധിച്ച് ചെന്നിത്തലയുടെ വിശദീകരണം.
Read more
അതിനിടെ, ജയ്ഹിന്ദടക്കം കെ.പി.സി.സിക്ക് കീഴിലുള്ള മുഴുവൻ സ്ഥാപനങ്ങളിലും ഓഡിറ്റിന് നേതൃത്വം നീക്കം തുടങ്ങിയിട്ടുണ്ട്.