പൊലീസ് നിയമ ഭേദഗതിക്ക് എതിരെ കെ. സുരേന്ദ്രൻ ഹൈക്കോടതിയില്‍ ഹര്‍ജി നല്‍കും

സെെബർ ആക്രമണങ്ങളെ നിയന്ത്രിക്കാൻ കേരള സർക്കാർ നടപ്പാക്കിയ പൊലീസ് ആക്ടിലെ നിയമ ഭേദഗതിയ്‌ക്കെതിരെ ബിജെപി ഹൈക്കോടതിയെ സമീപിക്കുന്നു. ബിജെപി സംസ്ഥാന അദ്ധ്യക്ഷന്‍ കെ. സുരേന്ദ്രനാണ് ഹൈക്കോടതിയില്‍ ഹര്‍ജി നല്‍കുക.

ഭേദഗതി പൗരാവകാശത്തിന് മേലുള്ള കടന്നുകയറ്റമാണ് നിയമമെന്നാണ് ഹര്‍ജിയില്‍ ഉന്നയിക്കുന്നത്‌. സൈബര്‍ ആക്രമണങ്ങളും സാമൂഹിക മാധ്യമങ്ങളിലെ വ്യക്തിഹത്യയും തടയുന്നതിനായാണ് പോലീസ് നിയമത്തിലെ 118 (എ) വകുപ്പ് ഭേദഗതി ചെയ്തത്.

എന്നാല്‍ ഭേദഗതി വ്യക്തിസ്വാതന്ത്ര്യത്തിലും മാധ്യമ സ്വാതന്ത്ര്യത്തിലുമുള്ള കടന്നുകയറ്റമാണെന്ന് വ്യാപകമായ വിമര്‍ശനം ഉയര്‍ന്നിരുന്നു. ഈ പശ്ചാത്തലത്തിലാണ് ബിജെപി കോടതിയെ സമീപിക്കുന്നത്.