ബക്രീദ് അവധി മദ്യശാലകൾക്കും വേണമെന്ന് ബെവ്കോ എംപ്ലോയീസ് സംഘ്. ബക്രീദ് ആഘോഷങ്ങളിൽ പങ്കുചേരുന്നതിന് ഒരു ദിവസം അവധി നൽകണമെന്നാണ് ആവശ്യം. ഇക്കാര്യം ചൂണ്ടിക്കാട്ടി മുഖ്യമന്ത്രി വി ഡി സതീശന് ബെവ്കോ എംപ്ലോയീസ് സംഘ് കത്ത് നൽകി.
‘ലോകമെമ്പാടുമുള്ള മുസ്ലിം മത വിശ്വാസികൾ വിശുദ്ധ മക്കയിൽ പരിശുദ്ധ ഹജ്ജ് ചടങ്ങുകളുടെ സമയത്ത് ആഘോഷിക്കുന്ന ത്യാഗത്തിന്റെ പെരുന്നാൾ ദിനമായ ബക്രീദ് ആഘോഷങ്ങൾക്കായി 27/05/2026, 28/05/2026 തീയതികളിൽ കേരളം സംസ്ഥാനത്ത് പൊതുഅവധി നൽകുന്നതിന് തീരുമാനിച്ചതിൽ ബെവ്കോ എംപ്ലോയീസ് സംഘ് അഭിനന്ദിക്കുന്നു. കൂടെ ബക്രീദ് ആഘോഷങ്ങളിൽ പങ്ക് ചേരുന്നതിന് കേരള സ്റ്റേറ്റ് ബീവറേജസ് കോർപറേഷൻ ചില്ലറവിൽപ്പന ശാലകൾക്ക് ഒരു ദിവസത്തെ അവധി അനുവദിക്കണം’എന്നാണ് മുഖ്യമന്ത്രിക്ക് അയച്ച കത്തിൽ ബെവ്കോ എംപ്ലോയീസ് സംഘ് പറയുന്നത്.
സംസഥാനത്ത് ബക്രീദിന് രണ്ട് ദിവസത്തെ അവധിയാണ് സർക്കാർ പ്രഖ്യാപിച്ചിരിക്കുന്നത്. 27നും 28നുമാണ് അവധി പ്രഖ്യാപിച്ചിരിക്കുന്നത്. കലണ്ടറിലെ അവധി ദിവസം 27നാണ്. എന്നാൽ 28നാണ് സംസ്ഥാനത്ത് ബക്രീദ് ആഘോഷം. 28ന് എല്ലാ സർക്കാർ ഓഫീസുകൾക്കും പൊതുമേഖല സ്ഥാപനങ്ങൾക്കും പ്രൊഫഷണൽ കോളേജുകൾ ഉൾപ്പെടുന്ന വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് സർക്കാർ ഉത്തരവിൽ പറയുന്നു.
Read more
