നിയമസഭാ തിരഞ്ഞെടുപ്പിലെ ചരിത്രവിജയത്തിന്റെ ഭാഗമായി മെയ് ഏഴിന് ഇടതുമുന്നണി വിജയദിനമായി ആചരിക്കുമെന്ന് സി.പി.ഐ.എം സംസ്ഥാന ആക്ടിംഗ് സെക്രട്ടറി എ. വിജയരാഘവൻ.
കേരളത്തിലെ ഇടതുമുന്നണി ജയത്തിന് ദേശീയ പ്രസക്തിയുണ്ടെന്നും ബദൽ രാഷ്ട്രീയധാരയ്ക്ക് തുടക്കം കുറിക്കാൻ ഈ ജയം കാരണമാകുമെന്നും അദ്ദേഹം പറഞ്ഞു.
എൽഡിഎഫ് സർക്കാരിന്റെ തുടർച്ച തടയാൻ വിമോചന സമരശക്തികളുടെ ഏകോപനമുണ്ടായെന്ന് വിജയരാഘവൻ ആരോപിച്ചു.
മന്ത്രിസഭാരൂപീകരണം ചർച്ച ചെയ്യാൻ ഈ മാസം 17ന് ഇടതുമുന്നണി യോഗം ചേരുമെന്നും അദ്ദേഹം പറഞ്ഞു. ഭരണത്തുടർച്ച ഇല്ലാതാക്കാൻ ശ്രമിച്ച യുഡിഎഫിന് നിരാശയാണ് ഫലം.
Read more
വികസന മുന്നേറ്റം തടയാൻ കേന്ദ്ര ഏജൻസികൾ ശ്രമിച്ചു. ഭരണത്തുടർച്ച കേന്ദ്ര നയങ്ങൾക്കും എതിരായ താക്കീതാണ് എന്നും വിജയരാഘവൻ അഭിപ്രായപ്പെട്ടു.
