മാപ്പിള കലാപവും വാരിയന്‍കുന്നത്ത് കുഞ്ഞഹമ്മദ് ഹാജിയുമാണ് ഇപ്പോള്‍ സോഷ്യല്‍ മീഡിയയിലെ ഒരു ചര്‍ച്ചാവിഷയം. വാരിയന്‍ കുഞ്ഞഹമ്മദ് ഹാജിയും ആലി മുസ്ലിയാരും ഉള്‍പ്പെടെ 387 പേരെ സ്വാതന്ത്ര്യ സമര രക്തസാക്ഷി പട്ടികയില്‍ നിന്നും ഒഴിവാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ വലിയ വിമര്‍ശനമാണ് ഉയര്‍ന്ന് വരുന്നത്. ഇപ്പോഴിതാ പ്രമുഖ സംവിധായകന്‍ സിബി മലയില്‍ മാപ്പിള ലഹളയെ കുറിച്ച് ഒരു ചിത്രം എടുക്കാന്‍ തീരുമാനിച്ചതിനെക്കുറിച്ചു തുറന്നു പറയുന്നു.
ദി ക്യു ചാനലുമായുള്ള അഭിമുഖത്തിലാണ് സംവിധായകന്‍ ഇത് വെളിപ്പെടുത്തിയത്. മലബാര്‍ കലാപത്തിന്റെ യഥാര്‍ത്ഥ മുഖം അവതരിപ്പിക്കുന്ന ഒരു ചിത്രത്തിന്റെ വര്‍ക്കുകള്‍ സംവിധായകന്‍ ജിജോ നടത്തിയെന്നും എന്നാല്‍ ചന്ദ്രികയിലെ പ്രതിഷേധ റിപ്പോര്‍ട്ടിംഗ് കാരണം നിര്‍ത്തി വച്ചുവെന്നുമാണ് അദ്ദേഹം പറഞ്ഞത്.
Read more
പടയോട്ടം ,മൈ ഡിയര്‍ കുട്ടിച്ചാത്തന്‍ തുടങ്ങിയ സിനിമകളിലൂടെ പ്രശസ്തനാണ് ജിജോ. മാപ്പിള ലഹളയെ കുറിച്ച് പഠിക്കുകയും, തീരുരങ്ങാടിയിലും മറ്റും പോയി ആളുകളെ കണ്ട് ഇന്റര്‍വ്യൂ വരെ ചെയ്ത പ്രൊജക്റ്റ് ചന്ദ്രികയിലെ പ്രതിഷേധ റിപ്പോര്‍ട്ടിംഗ് കാരണം നിര്‍ത്തി വച്ചത് എന്നാണ് സിബി മലയില്‍ പറയുന്നത്.
