കൊറോണ ലോക്ക്ഡൗൺ മൂലം ഏപ്രിൽ ആദ്യ ആഴ്ച മുതൽ മിനിസ്ക്രീനുകളിൽ നിന്നും സീരിയലുകളുടെ സംപ്രേഷണം ഇല്ലാതെയാകും എന്നാണ് അണിയറ പ്രവർത്തകർ പറയുന്നത്.കൊറോണ വൈറസ് വ്യാപിക്കുന്ന സാഹചര്യത്തിൽ സീരിയലുകളുടെ ചിത്രീകരണം മാർച്ച് 31 വരെ നിർത്തിവെയ്ക്കാനായിരുന്നു മലയാളം ടെലിവിഷൻ ഫ്രറ്റേണിറ്റിയുടെ ആദ്യ തീരുമാനം.
ഫെഡറേഷൻ ഓഫ് വെസ്റ്റേൺ ഇന്ത്യൻ സിനി എംപ്ലോയീസും ഇന്ത്യൻ ഫിലിം ആൻഡ് ടെലിവിഷൻ ഡയറക്ടേഴ്സ് അസോസിയേഷനും ഇന്ത്യൻ മോഷൻ പിക്ചർ പ്രോഡ്യൂസഴ്സ് അസോസിയേഷനുമാണ് സിനിമ, വെബ് സീരീസ്, സീരിയൽ എന്നിവയുടെ ഷൂട്ടിങ് നിർത്തിവെക്കാൻ തീരുമാനിച്ചിരുന്നു. മാർച്ച് 19 മുതൽ 31 വരെ സിനിമകൾ,വെബ്സീരീസുകൾ ,സീരിയലുകൾ തുടങ്ങിയവയുടെ ഷൂട്ടിങ് നിർത്തി വെക്കാൻ നിർദ്ദേശിച്ച് അവർ സർക്കുലർ ഇറക്കിയിരുന്നത്.
നിലവിൽ ഏപ്രിൽ 14 വരെ രാജ്യത്ത് ലോക്ക്ഡൗൺ നീണ്ടുനിൽക്കുന്നതിനാൽ സീരിയലുകൾ, പ്രതിദിന പരിപാടികൾ, റിയാലിറ്റി ഷോ, വെബ്സീരിസ് തുടങ്ങിയവയുടെ ചിത്രീകരണം അനിശ്ചിതകാലത്തേക്ക് നീളും.
Read more
ഷൂട്ട് ചെയ്തുവച്ച എപ്പിസോഡുകൾ തീരുന്നതോടെ, ഏപ്രിൽ ആദ്യ ആഴ്ചയോടെ എല്ലാ ചാനലുകളിലെയും സീരിയലുകളുടെ സംപ്രേഷണം നിലയ്ക്കും. പഴയ എ പ്പിസോഡുകൾ റീടെലികാസ്റ്റ് ചെയ്യാനാണ് നിലവിൽ തീരുമാനമെന്നും റിപ്പോർട്ടുണ്ട്.