തട്ടീം മുട്ടീം എന്ന ജനപ്രിയ പരമ്പരയിലെ കഥാപാത്രമാണ് അര്‍ജുനന്‍. നടന്റെ യഥാര്‍ത്ഥ പേര് ജയകുമാര്‍ പരമേശ്വരന്‍ എന്നാണെങ്കിലും അര്‍ജുനന്‍ എന്നു പറഞ്ഞാലെ മലയാളി ടെലിവിഷന്‍ പ്രേക്ഷകര്‍ക്ക് മനസ്സിലാകുകയുള്ളു.
ഫെയ്സ്ബുക്കിലും മറ്റു സോഷ്യല്‍ മീഡിയകളിലും സജീവമായ താരം കഴിഞ്ഞദിവസം ഫെയ്സ്ബുക്കില്‍ പങ്കുവെച്ച ചിത്രമാണ് ഇപ്പോള്‍ വൈറലായിരിക്കുന്നത്. തന്റെ അച്ഛന്‍ അപ്പൂപ്പന്‍ മകന്‍ കൊച്ചുമകന്‍ എന്നിവര്‍ ഒന്നിച്ചുള്ള ഫോട്ടോയാണ് താരം പങ്കുവെച്ചിരിക്കുന്നത്. “”ഇവന്റെ മകനാണ് അവന്‍.. അവന്റെ മകനാണ് ഇവന്‍.. എന്റെ അഞ്ചു തലമുറകള്‍”” എന്ന ക്യാപ്ഷനോടെയാണ് താരം ചിത്രം പങ്കുവെച്ചിരിക്കുന്നത്.
Read more
താരത്തിന്റെ പോസ്റ്റിനു താഴെ രസകരമായ കമന്റുകള്‍ കൊണ്ട് കമന്റ്ബോക്സ് നിറച്ചിരിക്കുകയാണ് ആരാധകര്‍. “ആഹാ അപ്പോള്‍ പൗരത്വം തെളിയിക്കാന്‍ രേഖയുണ്ടല്ലോ” എന്നും, “അച്ഛനും അപ്പൂപ്പനും മകനുമൊന്നും മീശയില്ലല്ലേ” എന്നുമുള്ള കമന്റുകളും ആരാധകര്‍ താരത്തോട് തമാശരൂപേണ ചോദിക്കുന്നുണ്ട്.
