രസകരമായ അവാര്‍ഡുകള്‍ പ്രഖ്യാപിച്ച് ബിഗ് ബോസ്. സീസണ്‍ 2വിലെ കഴിഞ്ഞ എപ്പിസോഡിലാണ് മത്സരാര്‍ഥികളുടെ ഇമേജിന് അനുസരിച്ച് അവാര്‍ഡ് പ്രഖ്യാപിച്ചിരിക്കുന്നത്. ആര്‍ജെ രഘു ആയിരുന്നു ബിഗ് ബോസ് അവാര്‍ഡ് നിശയുടെ അവതാരകന്‍.
സുമുഖനും സുന്ദരനും ചുറുചുറുക്കുള്ളവനും മറ്റുള്ളവരാല്‍ ബഹുമാനിക്കപ്പെടുന്നവനും ഏതൊരു കാര്യത്തിനും സ്വന്തമായി അഭിപ്രായമുള്ളവനും തുടങ്ങിയവയായിരുന്നു ഹീറോയെ തിരഞ്ഞെടുക്കാനുള്ള മാനദണ്ഡങ്ങള്‍. പ്രദീപിനായിരുന്നു ഹീറോയ്ക്കുള്ള പുരസ്‌കാരം ലഭിച്ചത്.
ആര്യ മികച്ച നടിയായി. ലാവണ്യവതിയും സാമര്‍ത്ഥ്യക്കാരിയും എല്ലാവരും ബഹുമാനിക്കുന്നവളും, സ്വന്തമായി നിലപാടുള്ളവളും താന്‍ എന്തുചെയ്താലും തെറ്റാകില്ലെന്ന് ബോധ്യമുള്ളവളും എന്നാല്‍ തന്റെ വിജയത്തിനായി ഒപ്പം നില്‍ക്കുന്നവരെപ്പോലും ഉപയോഗിക്കാന്‍ മടിയില്ലാത്തവളും എന്നായിരുന്നു ഹീറോയിനെ തിരഞ്ഞെടുക്കാനുള്ള മാനദണ്ഡം.
സ്വന്തമായി ഒന്നും ചെയ്യാത്ത വീട്ടില്‍ ഒരു പ്രഭാവവും ഉണ്ടാക്കാത്ത സ്വയം ശബ്ദമുയര്‍ത്താത്ത വ്യക്തിത്വമില്ലാത്ത വ്യക്തി. ജൂനിയര്‍ ആര്‍ടിസ്റ്റ് വിഭാഗത്തിലുള്ള അവാര്‍ഡിന്‍രെ മാനദണ്ഡം ഇതായിരുന്നു. ആദ്യം നല്‍കിയ പുരസ്‌കാരവും ഇതായിരുന്നു. വനിതകളില്‍ നിന്നും തെസ്‌നിഖാനും പുരുഷന്‍മാരില്‍ നിന്നും പരീക്കുട്ടിയും ആയിരുന്നു ഈ പുരസ്‌കാരം നേടിയത്.
Read more
ഡ്രാമ കിങ്ങിനും ഡ്രാമ ക്വീനിനമുള്ള പുരസ്‌കാരവും വീണ നായരും പരീക്കുട്ടിയും സ്വന്തമാക്കി. സപ്പോര്‍ട്ടിങ് ക്യാരക്ടറായെത്തിയത് തെസ്‌നി ഖാനായിരുന്നു. വീട്ടില്‍ ഇതുവരെ ശബ്ദമുയര്‍ത്താത്ത ശാന്തസ്വഭാവത്തിന് ഉടമയായ ഏത് സാഹചര്യവുമായും പൊരുത്തപ്പെടുന്ന എന്നാല്‍ ഏത് നിമിഷവും വീടിന്റെ നിയന്ത്രണം ഏറ്റെടുക്കാന്‍ കെല്‍പ്പുള്ളതുമായ വ്യക്തി എന്ന അപ്കമിങ് സ്റ്റാറിലെ പുരസ്‌കാരം രേഷ്മയും സുജോയും നേടി.
