ആനീസ് കിച്ചണ്‍ പരിപാടിയില്‍ വിധുബാല നടത്തിയ പരാമര്‍ശം വിവാദമായതിന് പിന്നാലെ പ്രതികരണവുമായി നടിയും അവതാരകയുമായ അശ്വതി ശ്രീകാന്ത്. എല്ലാത്തരം ഭക്ഷണവും കഴിച്ച് പഠിക്കണം എന്ന് താന്‍ മകളോട് പറയാറുണ്ട്, ഇഷ്ടാനിഷ്ടങ്ങള്‍ മാറ്റിവെയ്ക്കണം എന്നും പറയാറുണ്ട്, അതിജീവിക്കണം എന്നുള്ളതിനാലാണ് അല്ലാതെ പെണ്ണായത് കൊണ്ടല്ല ഇത് എന്നാണ് അശ്വതി ഫെയ്‌സ്ബുക്ക് കുറിപ്പില്‍ പറയുന്നത്. പരിഹസിച്ചെത്തിയ കമന്റിന് മറുപടിയും താരം നല്‍കിയിട്ടുണ്ട്.
അശ്വതി ശ്രീകാന്തിന്റെ കുറിപ്പ്:
എല്ലാത്തരം ഭക്ഷണവും കഴിച്ച് പഠിക്കണം എന്ന് മകളോട് പറയാറുണ്ട്. പുട്ട് കണ്ടാലുടനെ എനിക്ക് ബ്രഡ് മതീന്ന് ബഹളം വെയ്ക്കുമ്പോള്‍ ഇവിടെ ഇന്ന് പുട്ടാണ്, വേണമെങ്കില്‍ കഴിച്ചാല്‍ മതി എന്ന് കടുപ്പിക്കാറുണ്ട്. അതിനര്‍ത്ഥം ഇഷ്ടാനിഷ്ടങ്ങള്‍ ഉണ്ടാവരുതെന്നല്ല, ചിലപ്പോഴൊക്കെ അത് മാറ്റിവെയ്ക്കാനും പറ്റണം എന്നാണ്.
“You can”t expect someone else to clean your mess” എന്ന് പറഞ്ഞു പഠിപ്പിക്കാറുണ്ട്. നാളെ എന്തൊക്കെ സാഹചര്യങ്ങളിലാണ് ജീവിക്കേണ്ടത് എന്ന് ഉറപ്പില്ലാത്തത് കൊണ്ടാണ്. ഒരുപാട് ഹോസ്റ്റലുകളില്‍ മാറി മാറി ജീവിച്ചിട്ടുള്ള അമ്മയുടെയും, ബോര്‍ഡിംഗ് ജീവിതം ഓര്‍ത്ത് ഇപ്പോഴും ഉറക്കം ഞെട്ടുന്ന അച്ഛന്റെയും മകളായതു കൊണ്ടാണ്.
ഓപ്ഷനുകള്‍ ഇല്ലാതാവുന്ന അവസ്ഥകളില്‍ പോലും അതിജീവിക്കണം എന്നുള്ളത് കൊണ്ട് തന്നെയാണ്. അല്ലാതെ പെണ്ണായത് കൊണ്ടല്ല ! എന്നു വെച്ചാല്‍ മകന്‍ ആയിരുന്നങ്കിലും ഇതൊക്കെ തന്നെ പറഞ്ഞേനേ…പഠിപ്പിച്ചേനേന്ന്.
Read more
