ശ്രീദേവിയുടെ ഏറ്റവും വലിയ സ്വപ്നമായിരുന്നു മകൾ ജാന്വി കപൂർ തമിഴിലും ഹിന്ദിയിലും തിരക്കേറിയ നടിയാവണമെന്നത്. ധട്ക്കിലൂടെ ബോളിവുഡിൽ അരങ്ങേറിയ ജാന്വി തമിഴിലും എത്തുന്നു എന്നാണ് പുതിയ വാർത്തകൾ സൂചിപ്പിക്കുന്നത്. അച്ഛൻ ബോണി കപൂർ നിർമ്മിക്കുന്ന “തല 60” യിലൂടെ ആണ് ജാന്വി തമിഴിൽ എത്തുന്നത്. അജിത് നായകനായ തല 60 എച്ച് . വിനോദാണ് സംവിധാനം ചെയ്യുന്നത്. എന്നാൽ ഇത് സംബന്ധിച്ച ഔദ്യോഗിക സ്ഥിരീകണം ഇതുവരെ ഉണ്ടായിട്ടില്ല.
സ്പോർട്സിനും റേസിങ്ങിനും ഏറെ പ്രാധാന്യം നൽകി കൊണ്ടാണ് തല 60 ഒരുങ്ങുന്നത്. സിനിമയുടെ ഭൂരിഭാഗവും ചിത്രീകരിക്കുന്നത് വിദേശ രാജ്യങ്ങളിലാണ്. ഓഗസ്റ്റ് ആദ്യ വാരത്തോടെ തല 60 യുടെ ഷൂട്ടിങ് പൂജ നടക്കും. സെപ്റ്റംബർ ആദ്യവാരം മുതൽ ചിത്രീകരണം തുടങ്ങും. സിനിമയിലെ മറ്റു താര നിര സംബന്ധിച്ച വിവരങ്ങൾ ഉടൻ പുറത്തു വിടും.
Read more
നേരത്തെ ശ്രീദേവിയുടെ ഏറെ ശ്രദ്ധിക്കപ്പെട്ട ഇംഗ്ലീഷ് വിംഗീഷിൽ അജിത് അതിഥി താരമായി എത്തിയിരുന്നു. ബോണി കപൂറിന്റെ തന്നെ നിർമാണ സംരംഭമായ “നേർ കൊണ്ട പറവൈ” ആണ് അജിത്തിന്റെ ഏറ്റവും പുതിയ ചിത്രം. ഹിന്ദി സിനിമ പിങ്കിന്റെ റീമേക്ക് ആയ “നേർകൊണ്ട പറവൈ” ഓഗസ്റ്റ് 8 നു തീയറ്ററുകളിൽ എത്തും.
