ദളിത് സമരങ്ങളിലൂടെ പ്രശസ്തനായ ജിഗ്നേഷ് മേവാനി എംഎല്എ തമിഴകത്തിലൂടെ ബിഗ് സ്ക്രീനിലേക്ക്. രജനികാന്തിന്റെ കബാലി സംവിധാനം ചെയ്ത രഞ്ജിത്താണ് ഇക്കാര്യം വെളിപ്പെടുത്തിയത്. നിലവില് രജനി നായകനാകുന്ന പുതിയ സിനിമയായ കാലായുടെ അവസാനഘട്ട ഡബിംഗിന്റെ തിരിക്കലാണ് സംവിധായകന്. ഇനി സംവിധാനം ചെയുന്ന ചിത്രത്തിലൂടെ ജിഗ്നേഷ് മേവാനിയെ വെള്ളിത്തിരയില് അവതരിപ്പിക്കാനാണ് രഞ്ജിത്ത് ശ്രമിക്കുന്നത്
അദ്ദേഹത്തിന്റെ വ്യക്തിത്വം എന്നെ ആകര്ഷിച്ചു. ജനുവരി 14ന് പൊങ്കലിനു വേണ്ടി ചെന്നൈയിലെത്തിയപ്പോള് ഞങ്ങള് തമ്മില് കണ്ടിരുന്നു. അന്നാണ് എന്റെ പുതിയ സിനിമയിലേക്ക് അദ്ദേഹത്തെ ക്ഷണിച്ചത്. ജിഗ്നേഷ് മേവാനി അതിഥി വേഷത്തിലായിരിക്കും ചിത്രത്തില് പ്രത്യക്ഷപ്പെടുക. ഞങ്ങള് ദളിത് അവകാശങ്ങളെക്കുറിച്ച് ഏറെ നേരം അന്ന് സംസാരിച്ചുവെന്നും രഞ്ജിത്ത് പറഞ്ഞു.
Read more
തനിക്കു കൈവന്ന അവസരത്തെക്കുറിച്ച് ആകാംഷയോടെയാണ് ജിഗ്നേഷ് മേവാനി പ്രതികരിച്ചത്. ഞാന് അതിഥി വേഷത്തില് രഞ്ജിത്തിന്റെ സിനിമയില് പ്രത്യക്ഷപ്പെടാന് ലഭിച്ചതിനെ അംഗീകാരമായി കരുതുന്നു. ഞാന് പരിചയപ്പെട്ടതില്വെച്ച് ഏറ്റവും എളിമയുള്ള സംവിധാകനാണ് അദ്ദേഹമെന്നും ജിഗ്നേഷ് മേവാനി പറഞ്ഞു.