മാസും മസാലയുമില്ലാതെയാണ് കാര്‍ത്തി നായകനായ “കൈദി” തിയേറ്ററുകളിലേക്ക് എത്തിയത്. മികച്ച പ്രതികരണങ്ങളുമായി ചിത്രം പ്രേക്ഷകര്‍ ഏറ്റെടുത്തതോടെ കൈദിക്ക് രണ്ടാം ഭാഗം എത്തുമെന്ന് പ്രഖ്യാപിച്ചിരിക്കുകയാണ് സംവിധായകന്‍ ലോകേഷ് കനകരാജ്.
പത്ത് വര്‍ഷത്തിന് ശേഷം ജയില്‍ മോചിതനായി എത്തുന്ന ഡില്ലി എന്ന കഥാപാത്രമായാണ് കാര്‍ത്തി ചിത്രത്തില്‍ എത്തുന്നത്. ബിജോയ് എന്ന മറ്റൊരു പ്രധാനപ്പെട്ട കഥാപാത്രമായി മലയാളി താരം നരേനും ചിത്രത്തില്‍ വേഷമിടുന്നുണ്ട്. ഗാനങ്ങളോ നായികയോ ഇല്ലാതെ എത്തിയ ചിത്രം വ്യത്യസ്തമായ അനുഭവമാണ് ഒരുക്കുന്നത്.
Read more
ലോകേഷ് കനകരാജ് തന്നെയാണ് കൈദിയുടെ തിരക്കഥ ഒരുക്കിയിരിക്കുന്നതും. സത്യന്‍ സൂര്യന്‍ ഛായാഗ്രഹണം നിര്‍വ്വഹിച്ചിരിക്കുന്ന ചിത്രത്തിന് സംഗീതമൊരുക്കിയിരിക്കുന്നത് സാം സി എസ് ആണ്. ഡ്രീം വാരിയര്‍ പിക്‌ചേഴ്‌സിന്റേയും വിവേകാനന്ദ പിക്‌ചേഴ്‌സിന്റേയും ബാനറില്‍ എസ്. ആര്‍. പ്രകാശ് ബാബു, എസ്. ആര്‍. പ്രഭു, തിരുപ്പൂര്‍ വിവേക് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
