കഴിഞ്ഞ വര്‍ഷം ഇന്ത്യന്‍ സിനിമ ലോകം ഇരുകൈയും നീട്ടി സ്വീകരിച്ച ചിത്രങ്ങളിലൊന്നാണ് കെജിഎഫ്. കോലാറിലെ സ്വര്‍ണഖനിയുടെ കഥ പറയുന്ന കന്നഡ ചിത്രത്തിന്റെ രണ്ടാം ഭാഗത്തിന്റെ ഷൂട്ടിംഗ് ആരംഭിച്ചു. ബംഗളൂരുവിലെ ശ്രീ കൊഡണ്ടരാമ സ്വാമി ക്ഷേത്രത്തില്‍ ചിത്രത്തിന്റെ പൂജ നടന്നു. നായകന്‍ യഷ്, നായിക ശ്രിനിധി ഷെട്ടി, സംവിധായകന്‍ പ്രശാന്ത് നീല്‍ എന്നിവര്‍ പൂജയില്‍ പങ്കെടുത്തു. പൂജയുടെ ചിത്രങ്ങള്‍ സോഷ്യല്‍ മീഡിയയില്‍ ഇതിനോടകം വൈറലായി കഴിഞ്ഞു.
രണ്ടാം ഭാഗത്ത് യഷ് നായകനായെത്തുമ്പോള്‍ വില്ലനായി എത്തുന്നത് ബോളിവുഡ് താരം സഞ്ജയ് ദത്താണ്. ആദ്യഭാഗത്തില്‍ മുഖംമൂടി അണിഞ്ഞ് പ്രത്യക്ഷപ്പെടുന്ന കൊടുംവില്ലന്‍ അധീരയെന്ന കഥാപാത്രത്തെയാകും സഞ്ജയ് ദത്ത് അവതരിപ്പിക്കുക. നടി രവീണ ടണ്ടനും ചിത്രത്തില്‍ ഭാഗമായേക്കുമെന്ന് റിപ്പോര്‍ട്ട് ഉണ്ട്.
https://www.facebook.com/TheOfficialYash/photos/a.1580803388813733/2548561488704580/?type=3&theater
Read more
കന്നഡയില്‍ ഇതുവരെ നിര്‍മ്മിക്കപ്പെട്ടതില്‍ ഏറ്റവും ചെലവേറിയ ചിത്രമായിരുന്നു കെജിഎഫ്. 2018 ഡിസംബര്‍ 23നാണ് ചിത്രം പുറത്തിറങ്ങിയത്.
കന്നഡ, തെലുങ്ക്, തമിഴ്, മലയാളം, ഹിന്ദി എന്നീ ഭാഷകളിലാണ് ചിത്രം പ്രദര്‍ശനത്തിനെത്തിയത്. കര്‍ണാടകയില്‍ ചിത്രത്തിന്റെ ആദ്യ ദിന കളക്ഷന്‍ 14 കോടി രൂപയായിരുന്നു. രണ്ടാഴ്ച കൊണ്ടു തന്നെ കെജിഎഫ് 100 കോടി ക്ലബ്ബിലും എത്തിയിരുന്നു. 225 കോടി രൂപയാണ് ചിത്രം നേടിയത്.
