മലയാളത്തിന്റെ യുവനടി നിമിഷ സജയന്‍ വളരെ ചുരുങ്ങിയ കഥാപാത്രങ്ങളിലൂടെയാണ് പ്രേക്ഷക പ്രീതി നേടിയത്. ഇപ്പോഴിതാ തന്റെ അഭിനയ ജീവിതത്തിലെ പുത്തന്‍ തുടക്കത്തിലേക്ക് കടന്നിരിക്കുകയാണ് നടി.
ദേശീയ പുരസ്‌കാര ജേതാവായ ഒനിര്‍ സംവധാനം ചെയ്യുന്ന സിനിമയില്‍ പ്രധാന വേഷം ചെയ്യുന്നത് നിമിഷയാണെന്നാണ് റിപ്പോര്‍ട്ടുകള്‍. വി ആര്‍ എന്നാണ് സിനിമയുടെ പേര്. ഒനിര്‍ തന്നെ സംവിധാനം ചെയ്ത ഐം ആം ലൈക് ഐ ആം എന്ന സിനിമയുടെ തുടര്‍ച്ചയാണിതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഈ വര്‍ഷം സെപ്റ്റംബറില്‍ ചിത്രീകരണം ആരംഭിക്കും.
നിമിഷയെ നായികയാക്കി ജിയോ ബേബി സംവിധാനം ചെയ്ത ഗ്രേറ്റ് ഇന്ത്യന്‍ ചിത്രം തിയറ്റര്‍ റിലീസിന് ശേഷം ആമസോണില്‍ റിലീസ് ചെയ്തിരുന്നു. ഒടിടി റിലീസിന് പിന്നാലെ സിനിമ ഇന്ത്യ മുഴുവനും ചര്‍ച്ചയാവുകയും ചെയ്തു. അതിന് പുറമെ മാര്‍ട്ടിന്‍ പ്രക്കാട്ടിന്റെ നായാട്ടും നെറ്റ്ഫ്‌ലിക്‌സില്‍ റിലീസ് ചെയ്തിരുന്നു.
Read more
നിലവില്‍ മാലിക് എന്ന മഹേഷ് നാരായണന്‍ ചിത്രമാണ് നിമിഷയുടേതായി റിലീസ് ചെയ്യാനിരിക്കുന്ന ചിത്രം. ചിത്രത്തില്‍ ഫഹദ് ഫാസിലിന്റെ ഭാര്യയുടെ വേഷമാണ് നിമിഷ ചെയ്യുന്നത്. ആമസോണ്‍ പ്രൈമില്‍ ജൂലൈ 15ന് ചിത്രം റിലീസ് ചെയ്യും.
