തമിഴ് നടന് വിശാലും നടി അനിഷ അല്ല റെഡ്ഡിയും തമ്മിലുള്ള വിവാഹം മുടങ്ങിയെന്ന വാര്ത്ത തമിഴ് മാധ്യമങ്ങളുടെ ഗോസിപ്പ് കോളങ്ങളില് സജീവമായിരുന്നു. ഇന്സ്റ്റഗ്രാമില് അനിഷ പങ്കുവച്ചിരുന്ന വിശാലിനൊപ്പമുള്ള ചിത്രങ്ങളെല്ലാം നീക്കം ചെയ്തതോടെയാണ് അഭ്യൂഹങ്ങള് ശക്തമായത്. എന്നാല് ഇതിന് പിന്നാലെ വിശാലിന് ജന്മദിനാശംസകള് നേര്ന്നുകൊണ്ടുള്ള അനിഷയുടെ ഇന്സ്റ്റാഗ്രാം കണ്ടതോടെ ആരാധകര് വീണ്ടും ആശയക്കുഴപ്പത്തിലായി. ഈ വിഷയത്തില് പ്രതികരണവുമായി വന്നിരിക്കുകയാണ് വിശാലിന്റെ പിതാവ് ജി.കെ.റെഡ്ഡി.
ഇപ്പോള് പ്രചരിക്കുന്നത് വെറും ഗോസിപ്പ് മാത്രമാണെന്നും ഇരുവരും തമ്മിലുള്ള വിവാഹം മുടങ്ങിയിട്ടില്ലെന്നും അദ്ദേഹം പത്രസമ്മേളനത്തില് പറഞ്ഞു.
Read more
“അവര് തമ്മിലുള്ള വിവാഹ നിശ്ചയം കഴിഞ്ഞു. നടികര് സംഘത്തിന്റെ പുതിയ കെട്ടിടത്തിന്റെ പണി പൂര്ത്തിയായ ശേഷം അവിടെ വച്ചേ വിവാഹിതനാകൂ എന്ന വാശിയിലാണ് വിശാല്. അതാണ് വിവാഹത്തിനുള്ള കാലതാമസത്തിന് കാരണം. നടികര് സംഘത്തിന്റെ തെരഞ്ഞെടുപ്പിന്റെ കാര്യം കോടതിയുടെ പരിഗണനയിലായതിനാല് കല്യാണം നമുക്ക് പെട്ടെന്ന് നടത്താനാകില്ല. വിവാഹതീയ്യതി തീരുമാനിച്ചിട്ടില്ല. എന്നാല് അധികം വൈകാതെ തന്നെ അത് നടക്കും”. അദ്ദേഹം വ്യക്തമാക്കി.