കനത്ത മഴയെ അവഗണിച്ചും സിനിമാ പ്രേമികള്‍ തിയേറ്ററുകളിലേക്ക്. പോയ വാരം തിയേറ്ററുകളിലെത്തിയെ ടൊവീനോ തോമസ് ചിത്രം തിയേറ്ററുകളില്‍ വിജയകരമായി പ്രദര്‍ശനം തുടരുകയാണ്. മികച്ച ആക്ഷന്‍ മാസ് എന്റര്‍ടെയ്നറാണ് കല്‍ക്കിയെന്നാണ് പ്രേക്ഷകര്‍ പറയുന്നത്. “എസ്ര”യ്ക്ക് ശേഷം ടൊവീനോ പൊലീസ് വേഷത്തിലെത്തിയ “കല്‍ക്കി” താരത്തിന്റെ ആദ്യ മാസ് അവതാര ചിത്രം കൂടിയാണ്.
സെക്കന്‍ഡ് ഷോ, കൂതറ, തീവണ്ടി എന്നീ ചിത്രങ്ങളുടെ ചീഫ് അസോസിയേറ്റായിരുന്ന പ്രവീണ്‍ പ്രഭാറാം ആദ്യമായി സംവിധാനം ചെയ്യുന്ന ചിത്രമാണിത്. സുജാതനും സംവിധായകന്‍ പ്രവീണും ചേര്‍ന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. ചിത്രത്തില്‍ സംയുക്ത മേനോനാണ് നായിക. കട്ടിമീശ വച്ച ടൊവീനോയുടെ ലുക്ക് നേരത്തെ തന്നെ ആരാധകര്‍ ഏറ്റെടുത്തിരുന്നു. ടൊവീനോയുടെ ലുക്കിനെ സൂര്യയുടെ സിങ്കത്തോടാണ് ആരാധകര്‍ ഉപമിച്ചത്.
Read more
സുവിന്‍ കെ വര്‍ക്കി, പ്രഷോഭ് കൃഷണ എന്നിവര്‍ ചേര്‍ന്നാണ് ചിത്രത്തിന്‍റെ നിര്‍മ്മാണം. കുഞ്ഞിരാമയാണത്തിനും എബിയ്ക്കും ശേഷം ലിറ്റില്‍ ബിഗ് ഫിലിംസിന്റെ ബാനറില്‍ പുറത്തിറങ്ങിയ ചിത്രമാണ് കല്‍ക്കി. ഗൗതം ശങ്കര്‍ ആണ് ഛായാഗ്രഹണം നിര്‍വ്വഹിച്ചിരിക്കുന്നത്.
