ടിനു പാപ്പച്ചന്‍- പെപ്പെ കൂട്ടുകെട്ടില്‍ 'അജഗജാന്തരം'; ഷൂട്ടിംഗ് പൂര്‍ത്തിയായി

ഹിറ്റ് ചിത്രം സ്വാതന്ത്ര്യം അര്‍ദ്ധരാത്രി എന്ന ചിത്രത്തിന് ശേഷം സംവിധായകന്‍ ടിനുപാപ്പച്ചനും ആന്റണി വര്‍ഗീസും ഒന്നിക്കുന്നു. തൃശൂരില്‍ ചിത്രീകരണം പൂര്‍ത്തിയാക്കിയ അജഗജാന്തരം എന്ന സിനിമ ഉടന്‍ തിയേറ്ററുകളിലേക്ക് എത്തുകയാണ് . അജഗജാന്തരം എന്ന പേരില്‍ തന്നെ പുതുമ തീര്‍ക്കുന്ന ചിത്രം വ്യത്യസ്തമായ പ്രമേയവുമായാണ് പ്രേക്ഷകര്‍ക്ക് മുന്‍പിലേക്ക് എത്തുന്നത്. മാസ്സ് ത്രില്ലര്‍ ജോണറില്‍ ഒരുങ്ങുന്ന ഈ ടിനു പാപ്പച്ചന്‍ ചിത്രം സില്‍വര്‍ ബേ സ്റ്റുഡിയോസിന്റെ ബാനറില്‍ ഇമ്മാനുവല്‍ ജോസഫും അജിത് തലാപ്പിള്ളിയും ചേര്‍ന്ന ആണ് നിര്‍മ്മിക്കുന്നത്.

അജഗജാന്തരത്തിന്റെ തിരക്കഥയൊരുക്കുന്നത് കിച്ചു ടെല്ലസും വിനീത് വിശ്വവും ചേര്‍ന്നാണ്. ആന്റണി വര്‍ഗീസിനൊപ്പം ചെമ്പന്‍ വിനോദ് ,അര്‍ജുന്‍ അശോക് ,സാബുമോന്‍ ,സുധി കോപ്പ ,ലുക്ക് മാന്‍ ,ജാഫര്‍ ഇടുക്കി ,കിച്ചു ടെല്ലസ് ,സിനോജ് വര്ഗീസ്, വിനീത് വിശ്വം, ബിറ്റോ ഡേവിസ്, രാജേഷ് ശര്‍മ്മ, ടിറ്റോ വില്‍സണ്‍, വിജ്ലീഷ് തുടങ്ങിയവാരാണ് ചിത്രത്തില്‍ മറ്റ് പ്രധാന കഥാപാത്രത്തെ അവതരിപ്പിക്കുന്നത്.

ജിന്റോ ജോര്‍ജ് ആണ് ചിത്രത്തിന്റെ ഛായാഗ്രാഹകന്‍. എഡിറ്റര്‍ ഷമീര്‍ മുഹമ്മദ്. സംഗീതം ജേക്‌സ് ബിജോയ്. സെന്‍ട്രല്‍ പിക്ചര്‍സ് ആണ് ചിത്രം വിതരണത്തിന് എത്തിക്കുന്നത് . സ്വാതന്ത്ര്യം അര്‍ദ്ധരാത്രി ടീം വീണ്ടും ഒന്നിക്കുബോള്‍ തിയേറ്ററില്‍ മറ്റൊരു ദൃശ്യവിസ്മയം തന്നെയായിരിക്കും അജഗജാന്തരം .