അന്യഭാഷാ റൈറ്റ്‌സുകളില്‍ ഒരു പുതിയ കാല്‍വെപ്പ് നടത്തി ദി കുങ്ഫു മാസ്റ്റര്‍. 1983, ആക്ഷന്‍ ഹീറോ ബിജു, പൂമരം എന്നീ ചിത്രങ്ങള്‍ക്ക് ശേഷം സംവിധായകന്‍ എബ്രിഡ് ഷൈന്‍ തിരക്കഥ എഴുതി സംവിധാനം ചെയ്യുന്ന പുതിയ ചിത്രമാണ് ദി കുങ്ഫൂ മാസ്റ്റര്‍. ആക്ഷന്‍ രംഗങ്ങള്‍ക്ക് പ്രാധാന്യം നല്‍കി ഒരുക്കിയിരിക്കുന്ന ചിത്രം ഇപ്പോള്‍ ഇതാ തമിഴ്, തെലുങ്ക്, കന്നഡ, ഹിന്ദി ഭാഷകളിലേക്ക് റൈറ്റ്‌സ് നേടിയിരിക്കുകയാണ്.
റിലീസിംഗിന് മുമ്പ് അന്യ ഭാഷകളിലേക്ക് റൈറ്റ്‌സ് കിട്ടുന്ന ആദ്യത്തെ മലയാള ചിത്രം കൂടി ആണ് ദി കുങ്ഫു മാസ്റ്റര്‍. ചിത്രത്തിന്റെ വ്യത്യസ്തമായ പോസ്റ്റേഴ്സുകളും ആക്ഷന്‍ പ്രാധാന്യം നല്‍കി കൊണ്ടുള്ള ട്രെയിലറും ഇതിനോടകം തന്നെ സമൂഹ മാധ്യമങ്ങളില്‍ വൈറല്‍ ആയിരുന്നു. മലയാള സിനിമ ഇതുവരെ കാണാത്ത തരത്തിലുള്ള ആക്ഷന്‍ രംഗങ്ങള്‍ക്ക് ഉള്‍പ്പെടുത്തിയാണ് എബ്രിഡ് ഷൈന്‍ ഈ ചിത്രം ഒരുക്കിയിരിക്കുന്നത്. ഒരു പക്ഷെ ഇന്ത്യന്‍ സിനിമാചരിത്രത്തില്‍ തന്നെ ഇങ്ങനെ ഒരു ചിത്രം ഇതാദ്യമായിരിക്കും.
Read more
പൂമരം ഫെയിം നിതാ പിള്ള നായികയായി എത്തുന്ന ചിത്രം നിര്‍മ്മിക്കുന്നത് ഫുള്‍ ഓണ്‍ സ്റ്റുഡിയോ ഫ്രെയിംസാണ്. അര്‍ജുന്‍ രവി ഛായാഗ്രഹണം നിര്‍വഹിക്കുന്ന ചിത്രത്തിന് സംഗീതവും, പശ്ചാത്തല സംഗീതവും ഒരുക്കിയിരിക്കുന്നത് ഇഷാന്‍ ഛബ്രയാണ്.ചിത്രത്തിന്റെ എഡിറ്റിംഗ് കെ ആര്‍ മിഥുന്‍. ചിത്രം ജനുവരി 24-ന് തിയേറ്ററുകളിലേക്ക് എത്തുകയാണ്.
