കണ്ണൂരില് തയ്യില് കടപ്പുറത്ത് ഒന്നരവയസ്സുകാരനായ കുഞ്ഞിനെ അമ്മ കൊലപ്പെടുത്തിയ സംഭവത്തില് ഹൃദയസ്പര്ശിയായ കുറിപ്പ് പങ്കുവച്ച് നടന് സണ്ണി വെയ്ന്. “”കടല്ഭിത്തിയില് എറിഞ്ഞ് കൊല്ലുമ്പോഴും.. അവസാനമായി, ദയനീയമായി നീ.. വിളിച്ചതും “അമ്മേ” എന്ന രണ്ടക്ഷരം മാത്രം.. വിയാന്.. വഞ്ചനയില്ലാത്തവരുടെ ലോകത്തിലേയ്ക്ക്.. കണ്ണീരോടെ വിട”” എന്നാണ് സണ്ണി വെയ്ന് കുറിച്ചിരിക്കുന്നത്.
തിങ്കളാഴ്ച പുലര്ച്ചെ രണ്ടരയോടെയാണ് ശരണ്യ ഒന്നരവയസ് പ്രായമുള്ള വിയാനെന്ന മകനെ കൊലപ്പെടുത്തിയത്. ഇരുട്ടിന്റെ മറവില് കുഞ്ഞുമായി കടല്ത്തിരത്ത് എത്തിയ ശരണ്യ പരിസരം വീക്ഷിച്ച ശേഷം കടല് ഭിത്തിയിലെ പാറക്കെട്ടുകളിലേയ്ക്ക് കുട്ടിയെ വലിച്ചെറിയുകയായിരുന്നു. കുഞ്ഞ് കരഞ്ഞതോടെ താഴെയിറങ്ങി ഒരിക്കല് കൂടി പാറയിലേയ്ക്ക് എറിഞ്ഞ് മരണം ഉറപ്പാക്കിയാണ് ശരണ്യ വീട്ടിലേക്ക് മടങ്ങിയത്.
Read more
ഏകദേശം 24 മണിക്കൂറിലധികം നീണ്ട ചോദ്യംചെയ്യലിനും ശാസ്ത്രീയ പരിശോധനയ്ക്കും ഒടുവിലാണ് ശരണ്യ കുറ്റംസമ്മതിച്ചത്. കാമുകനൊപ്പം ജീവിക്കാനാണ് കുഞ്ഞിനെ കൊലപ്പെടുത്തിയതെന്നാണ് ശരണ്യയുടെ മൊഴി.