മോഹന്ലാല് ചിത്രം ബിഗ് ബ്രദറിനെതിരെയുണ്ടായ സൈബര് ആക്രമണം ആസൂത്രിതമാണെന്ന് സംവിധായകന് സിദ്ദിഖ്. സിനിമയെ നശിപ്പിക്കുന്നത് സിനിമയിലുള്ളവര് തന്നെയാണ്. അതിനുപിന്നില് നിക്ഷിപ്തതാല്പര്യമുണ്ട്. ഒരാള് വീഴുമ്പോള് സന്തോഷിക്കുന്നവര് ഇതിനെതിരെ ഒന്നിച്ചുനില്ക്കാത്തത് സ്വാഭാവികമാണെന്നും സിദ്ദിഖ് മനോരമ ന്യൂസ് നേരേ ചൊവ്വേയില് പറഞ്ഞു.
ഇത് എന്റെ സിനിമയോടുള്ള ശത്രുതയാണിത്. എന്റെ തലമുറയോടുള്ള ശത്രുത. ഞങ്ങളെയൊക്കെ ഇല്ലാതാക്കിയാല് ആര്ക്കൊക്കെയോ ഇവിടെ വരാമെന്ന ധാരണയുണ്ട്.
Read more
“ഒരു നടന് തന്നെ ഇക്കാര്യം വ്യക്തമായി പറഞ്ഞിട്ടുണ്ടെന്നാണ് അറിയാന് കഴിഞ്ഞത്. അത് എത്രത്തോളം സത്യമെന്ന് അറിയില്ല. “മിമിക്രി സിനിമയില് നിന്നും ഞങ്ങള് മൂന്നാല്പേരു കൂടി സിനിമയെ രക്ഷിച്ചുകൊണ്ട് വരുകയാണ്, ദയവുചെയ്ത് മിമിക്രി കഥയുമായി തന്റെ അടുത്തേക്ക് വരരുതെന്നാണ് അദ്ദേഹം പറഞ്ഞത്. ആ സമീപനമുള്ള സ്ഥലത്താണ് ഞങ്ങള് ഇങ്ങനെ നില്ക്കുന്നത്.”-സിദ്ദിഖ് പറഞ്ഞു.