അമ്മ അറിയാന്‍, മക്കളെപ്പറ്റി നല്ലത് പറയുക, ജാഗ്രതൈ: ഷമ്മി തിലകന്‍

നടന്‍ ഷമ്മി തിലകന്റെ ഫെയ്‌സ്ബുക്ക് കുറിപ്പ് വൈറലാകുന്നു. “അമ്മ അറിയാന്‍..!മക്കളെ പറ്റി നല്ലത് പറയുക. അവര്‍ക്കായി നല്ലത് ചെയ്യുക”. “എങ്കില്‍ നല്ല സ്വഭാവം അവരിലും ഉണ്ടാകും.!മോശമായത് എത്രയധികം പറയുന്നുവോ..; എത്രയധികം ചെയ്യുന്നുവോ അത്രയധികം മക്കളും മോശമാകും. ജാഗ്രതൈ” എന്നാണ് കുറിപ്പ് നടന്‍ ഷെയ്ന്‍ നിഗവും സിനിമാ നിര്‍മ്മാതാക്കളുമായുള്ള തര്‍ക്കം നിലനില്‍ക്കുന്നതിനിടെയാണ് ഷമ്മിയുട ഫെയ്സ്ബുക്ക് പോസ്റ്റ് എന്നത് ശ്രദ്ധേയമാണ്.

അതിനിടെ നിര്‍മ്മാതാക്കള്‍ എതിരായ മനോരോഗി പരാമര്‍ശത്തില്‍ ഷെയന്‍ ക്ഷമാപണം നടത്തി. ഐഎഫ്എഫ്കെ വേദിയില്‍ ഞാന്‍ നടത്തിയ പ്രസ്താവന വലിയതോതില്‍ തെറ്റിദ്ധരിക്കപ്പെട്ടു. നിര്‍മ്മാതാക്കളുടെ സംഘടനയിലെ മുഴുവന്‍ അംഗങ്ങള്‍ക്കും മനോരോഗം ഉണ്ടെന്ന് പറഞ്ഞു എന്നതാണ് വാര്‍ത്തകളില്‍ വന്നത്. ദൃശ്യ മാധ്യമ സുഹൃത്തുക്കള്‍ നിര്‍മ്മാതാക്കള്‍ക്ക് മനോവിഷമം ഉണ്ടോ എന്ന ചോദ്യത്തിന് മനോവിഷമം ആണോ മനോരോഗം ആണോ എന്ന് ചോദിച്ചത് സത്യമാണ്. ഞാനെന്റെ രീതിയിലുള്ള ചിരിച്ചുകൊണ്ടുള്ള മറുപടി മാത്രമാണ് നല്‍കിയത്. ഞാന്‍ പറഞ്ഞ ആ വാക്കില്‍ ആര്‍ക്കെങ്കിലും വിഷമം ഉണ്ടെങ്കില്‍ ക്ഷമാപണം നടത്തുന്നുവെന്ന് ഷെയ്ന്‍ ഫെയ്സ്ബുക്കില്‍ കുറിച്ചു.

https://www.facebook.com/shammythilakanofficial/photos/a.619509208117496/2501688979899500/?type=3&theater