വിജയ് കേന്ദ്ര പ്രധാനവേഷത്തിലെത്തുന്ന ചിത്രം ‘വാരിസി’ലെ രംഗങ്ങള്‍ വീണ്ടും ലീക്കായി. ലീക്കായ ഗാനരംഗങ്ങള്‍ സോഷ്യല്‍മീഡിയയില്‍ പ്രചരിക്കുന്നുണ്ട്. സമാനമായി നേരത്തെയും പല സീനുകളും ലീക്കായിരുന്നു. ചിത്രത്തിന്റെ അണിയറപ്രവര്‍ത്തകരുടെ അശ്രദ്ധയാണ് തുടര്‍ച്ചയായി രംഗങ്ങള്‍ ലീക്കാകുന്നതിന് കാരണമെന്ന് പ്രേക്ഷകര്‍ ആരോപിക്കുന്നു.
സിനിമയിലെ നിര്‍ണായക രംഗമാണ് നേരത്തെ ലീക്കായി പ്രചരിച്ചിരുന്നത്. വിജയ്, പ്രഭു എന്നിവരുള്‍പ്പെടുന്ന ഒരു ആശുപത്രി രംഗംമായിരുന്നു പുറത്തായത്. ഡോക്ടര്‍ വേഷത്തിലാണ് പ്രഭു. നായകനും പ്രഭുവും ചേര്‍ന്ന് ഒരു സ്ട്രെച്ചര്‍ ആശുപത്രിക്കകത്തേക്ക് കയറ്റുന്നതാണ് വീഡിയോ. സ്ട്രെച്ചറില്‍ കിടക്കുന്നത് ശരത്കുമാറാണെന്നാണ് സോഷ്യല്‍മീഡിയയില്‍ ചര്‍ച്ചയായിരുന്നത്. സിനിമയില്‍ വിജയ്യുടെ അച്ഛന്റെ വേഷമാണ് ശരത്കുമാര്‍ ചെയ്യുന്നത്.
ഇതിന് മുന്‍പ് ആര്‍ ഷാമിന്റയും പിന്നീട് വിജയ്യുടെയും രശ്മിക മന്ദാനയുടെയും വീഡിയോയും പുറത്തായിരുന്നു. സമാന സംഭവം ആവര്‍ത്തിക്കുന്നതിനാല്‍ സെറ്റില്‍ ശക്തമായ നിയന്ത്രണങ്ങള്‍ കൊണ്ടുവരാനാണ് അണിയറപ്രവര്‍ത്തകര്‍ തീരുമാനിച്ചിത്. ഇതിന്റെ ഭാഗമായി സെറ്റില്‍ മൊബൈല്‍ ഫോണുകള്‍ വിലക്കുന്നതുള്‍പ്പെടെയുള്ള നടപടികള്‍ സ്വീകരിച്ചിരുന്നു. എന്നാല്‍ ഇത്തരത്തില്‍് വീണ്ടും ആവര്‍ത്തിക്കപെടുകയാണ്.
Read more
വംശി പൈഡിപ്പള്ളി സംവിധാനം ചെയ്യുന്ന സിനിമ ശ്രീ വെങ്കടേശ്വര ക്രിയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്നായിരിക്കും നിര്‍മ്മാണം. പ്രഭു, ജയസുധ, ഖുശ്ബു, ശ്രീകാന്ത്, ഷാം, സംഗീത കൃഷ്, സംയുക്ത, യോഗി ബാബു തുടങ്ങിയവരും ചിത്രത്തില്‍ പ്രധാന താരങ്ങളാണ്.
