കാഴ്ച്ചക്കാരില്‍ ചിരി പടര്‍ത്തി സായാഹ്ന വാര്‍ത്തയുടെ രസികന്‍ ടീസര്‍. പതിവ് ശൈലിയില്‍ നിന്നും തികച്ചും വ്യത്യസ്തമായി കേന്ദ്രം സര്‍ക്കാര്‍ പരസ്യം പോലെയാണ് ടീസറിന്റെ അവതരണം. അരുണ്‍ ചന്ദു സംവിധാനം ചെയ്യുന്ന ചിത്രത്തില്‍ ഗോകുല്‍ സുരേഷ് ഗോപി, ധ്യാന്‍ ശ്രീനിവാസന്‍, അജു വര്‍ഗീസ് എന്നിവരാണ് പ്രധാനവേഷങ്ങളിലെത്തുന്നത്. വിജയരാഘവന്‍, ഇന്ദ്രന്‍സ്, ഇര്‍ഷാദ്, ശരണ്യ ശര്‍മ്മ, മകരന്ദ് ദേശ്പാണ്ഡെ തുടങ്ങിയവരും. ചിത്രത്തിലുണ്ട്.
ഡി.14 എന്റര്‍ടൈന്‍മെന്റിന്റെ ബാനറില്‍ ഒരുങ്ങുന്ന ചിത്രത്തിന് പ്രശാന്ത് പിള്ളയാണ് സംഗീതമൊരുക്കുന്നത്. ഛായാഗ്രഹണം രാഹുല്‍ ബാലചന്ദ്രനും എഡിറ്റിംഗ് അമല്‍ അയ്യപ്പനും നിര്‍വഹിച്ചിരിക്കുന്നു. ചിത്രത്തിന്റേതായി മുമ്പ് പുറത്തിറങ്ങിയ പോസ്റ്ററുകളെല്ലാം സോഷ്യല്‍ മീഡിയയില്‍ ശ്രദ്ധിക്കപ്പെട്ടിരുന്നു.
Read more
“ഇളയരാജ”യ്ക്ക് ശേഷം തിയേറ്ററുകളിലെത്തുന്ന ഗോകുല്‍ സുരേഷ് ചിത്രമാണ് “സായാഹ്ന വാര്‍ത്തകള്‍”. “കുട്ടിമാമ”യാണ് ഒടുവില്‍ തിയേറ്ററുകളിലെത്തിയ ധ്യാന്‍ ശ്രീനിവാസന്‍ ചിത്രം. രണ്ട് താരപുത്രന്മാര്‍ ഒന്നിക്കുന്ന ചിത്രം ആരാധകര്‍ക്ക് വലിയ പ്രതീക്ഷയാണ് സമ്മാനിക്കുന്നത്.
