ഭാര്യ വീട്ടിൽ പോകുമ്പോൾ ജെന്റിൽമാനാകുമെന്ന് ബോളിവുഡ് താരം രൺവീർ സിംഗ്. വ്യത്യസ്തങ്ങളായ ഔട്ട്ഫിറ്റുകളാൽ ആരാധകരെ ഞെട്ടിക്കുന്ന ബോളിവുഡ് താരമാണ് രൺവീർ എന്നാൽ താൻ ഭാര്യ വീട്ടിൽ പോകുമ്പോൾ ജെന്റിൽമാൻ ലുക്കിലെ പോകുവെന്നാണ് വെളിപ്പെടുത്തൽ. കോഫി വിത്ത് കരൺ ചാറ്റ് ഷോയിലാണു നടന്റെ വെളിപ്പെടുത്തൽ.
സ്റ്റൈലിഷ് ഔട്ട്ഫിറ്റുകളിലല്ലാതെ രൺവീറിനെ കാണാനാവില്ലന്നും. എപ്പോഴും ഇങ്ങനെയാണോ എന്ന അവതരകന്റെ ചോദ്യത്തിന് അല്ല എന്നായിരുന്നു രൺവീർ മറുപടി നൽകിയത്. ഇത്തരം വസ്ത്രങ്ങൾ ഒഴിവാക്കി രൺവീർ ജെന്റിൽമാൻ ആകുന്ന ഒരു സമയം തനിക്കുണ്ട്. ഭാര്യയും ബോളിവുഡ് താരവുമായ ദീപിക പദുകോണിന്റെ വീട്ടിൽ പോകുമ്പോഴാണ് അത്.
‘‘എന്റെ വീട്ടിലിപ്പോൾ വസ്ത്രം സൂക്ഷിക്കാൻ രണ്ട് അലമാരകളുണ്ട്. ഒന്നിൽ ഞാൻ സാധാരണ ധരിക്കുന്ന വസ്ത്രങ്ങളാണ്. മറ്റേതിൽ ദീപികയുടെ വീട്ടിലേക്ക് പോകുമ്പോൾ ധരിക്കാനുള്ള വെള്ള ഷർട്ടുകളും നീല ജീൻസുകളും’’ എന്നായിരുന്നു രൺവീറിന്റെ പ്രതികരണം.
Read more
രസകരമായ നടന്റെ ഈ പ്രതികരണം സോഷ്യൽ മീഡിയയിൽ വെെറലായി മാറിയിരുന്നു. ആറു വർഷത്തെ പ്രണയത്തിനുശേഷം 2018 ലായിരുന്നു ഇരുവരും വിവാഹിതരായത്. മുൻ ബാഡ്മിന്റൺ താരമായ പ്രകാശ് പദുകോണും, ഉജ്വല പദുകോണുമാണ് ദീപികയുടെ മാതാപിതാക്കൾ.
