മെഗാസ്റ്റാര് മമ്മൂട്ടിയുടെ ഗാനഗന്ധര്വ്വനായി കാത്തിരിക്കുകയാണ് ആരാധകര്. രമേഷ് പിഷാരടിയുടെ സംവിധാനത്തിലൊരുങ്ങുന്ന ചിത്രത്തെ കുറിച്ചുള്ള ആരാധകരുടെ പ്രതീക്ഷകള് ചെറുതൊന്നുമല്ല. ഇപ്പോഴിതാ മമ്മൂട്ടി ആരാധകര്ക്ക് ഗാനഗന്ധര്വ്വനില് ഒരു കിടിലന് സര്പ്രൈസ് ഒരുക്കിയിരിക്കുകയാണ് പിഷാരടി. മണിക്കൂറുകള്ക്ക് മുമ്പ് പിഷാരടി ഫെയ്സ്ബുക്കില് പങ്കുവെച്ച കുറിപ്പാണ് ഇതിലേക്ക് വിരള് ചൂണ്ടുന്നത്.
ചിത്രത്തിലെ മമ്മൂട്ടിയുടെ ചിത്രം പങ്കുവെച്ച് “പുത്തനിടിയും വെട്ടി മഴയുടെ ശക്തിയുടന് പെരുത്തെ…ഉല്ലാസ് നാടന് ആണ്” എന്നാണ് പിഷാരടി കുറിച്ചത്. ഗാനമേളകളില് പാടുന്ന കലാസദന് ഉല്ലാസ് എന്ന കഥാപാത്രത്തെ ചിത്രത്തില് അവതരിപ്പിക്കുന്ന മമ്മൂട്ടി കലാഭവന് മണിയുടെ നാടന് പാട്ടിന്റെ നാലുവരി ചിത്രത്തില് ആലപിക്കുന്നുണ്ടെന്നാണ് അറിയുന്നത്.
Read more
മുകേഷ്, ഇന്നസെന്റ്, സിദ്ധിഖ്, സലിം കുമാര്, ധര്മ്മജന് ബോള്ഗാട്ടി, ഹരീഷ് കണാരന്, മനോജ് കെ ജയന്, സുരേഷ് കൃഷ്ണ, മണിയന്പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങി വന്താരനിരയാണ് ചിത്രത്തിലുള്ളത്. രമേഷ് പിഷാരടിയും ഹരി പി നായരും ചേര്ന്നാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. ശ്രീലക്ഷ്മി ആര്, ശങ്കര് രാജ് ആര്, രമേഷ് പിഷാരടി എന്നിവര് ചേര്ന്നാണ് ചിത്രം നിര്മ്മിക്കുന്നത്. അഴകപ്പന് ഛായാഗ്രഹണം നിര്വഹിക്കുന്ന ചിത്രത്തിന് സംഗീതമൊരുക്കുന്നത് ദീപക് ദേവാണ്.