മമ്മൂട്ടിയെ നായകനാക്കി ഗാനഗന്ധര്വ്വന് എന്ന ചിത്രം സംവിധാനം ചെയ്യുന്ന തിരക്കിലാണ് രമേശ് പിഷാരടി. ഇപ്പോഴിതാ സിനിമയിലെ മമ്മൂട്ടി അഭിനയിക്കുന്ന സീനുകളുടെ ചിത്രീകരണം പൂര്ത്തിയായി എന്നും താനും മമ്മുക്കയും ഒത്തുള്ള ദിവസങ്ങള് മറക്കാന് പറ്റില്ല എന്നും രമേശ് പിഷാരടി പറയുന്നു. മമ്മുക്കയെ വെച്ചൊരു പടം എടുക്കണം എന്ന് നമ്മള് ആത്മാര്ത്ഥമായി ആഗ്രഹിച്ചാല് ആ ആഗ്രഹം സാധ്യമാക്കാന് മമ്മുക്ക നമ്മുടെ കൂടെ നില്ക്കും എന്നും രമേശ് പിഷാരടി വ്യക്തമാക്കി.
ഗാനഗന്ധര്വന് സെപ്റ്റംബര് അവസാന വാരത്തോടെ റിലീസ് ചെയ്യും എന്നാണ് റിപ്പോര്ട്ടുകള് പറയുന്നത്. കലാസദന് ഉല്ലാസ് എന്ന ഒരു ഗാനമേള ഗായകന് ആയാണ് മമ്മൂട്ടി ഈ ചിത്രത്തില് അഭിനയിക്കുന്നത്.
രമേഷ് പിഷാരടിയും ഹരി .പി നായരും ചേര്ന്ന് കഥയും തിരക്കഥയും സംഭാഷണവും ഒരുക്കിയിരിക്കുന്ന ഈ ചിത്രത്തില് മുകേഷ്, ഇന്നസെന്റ്, സിദ്ധിഖ്, സലിം കുമാര്, ധര്മജന് ബോള്ഗാട്ടി, ഹരീഷ് കണാരന്, സുരേഷ് കൃഷ്ണ, മണിയന് പിള്ള രാജു, കുഞ്ചന്, അശോകന്, സുനില് സുഖദ , അതുല്യ, ശാന്തി പ്രിയ തുടങ്ങിയവരും പ്രധാന വേഷങ്ങളില് അഭിനയിക്കുന്നു.
Read more
ഇച്ചായീസ് പ്രൊഡക്ഷന്സും രമേഷ് പിഷാരടി എന്റര്ടൈന്മെന്റ്സും ചേര്ന്ന് നിര്മ്മിക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് അഴകപ്പനും സംഗീതം ഒരുക്കുന്നത് ദീപക് ദേവുമാണ്.