“അനുരാഗ കരിക്കിന് വെള്ളം” എന്ന ആദ്യ ചിത്രത്തിലൂടെ തന്നെ സംസ്ഥാന ചലച്ചിത്ര പുരസ്കാരം നേടിയ നടിയാണ് രജിഷ വിജയന്. തുടര്ന്നും രജിഷയുടെ വ്യത്യസ്തവും ശക്തവുമായ വേഷങ്ങള് പ്രേക്ഷകര് കണ്ടു. ജൂണും അടുത്തിടെ പുറത്തിറങ്ങിയ ഫൈനല്സും ഇതിന് ഉദാഹരണങ്ങളാണ്. ഇപ്പോഴിതാ രജിഷ തമിഴിലും അരങ്ങേറുന്നു എന്നാണ് പുതിയ റിപ്പോര്ട്ടുകള്.
മാരി സെല്വരാജ് സംവിധാനം ചെയ്യുന്ന കര്ണ്ണന് എന്ന് പേരുള്ള ചിത്രത്തില് രജീഷ ധനുഷിന്റെ നായികയായി എത്തുമെന്ന റിപ്പോര്ട്ടുകളാണ് പുറത്ത് വന്നിരിക്കുന്നത്. കലൈപുളി എസ്.തനുവിന്റെ വി ക്രിയേഷന്സാവും ചിത്രം നിര്മ്മിക്കുക. നിരൂപക പ്രശംസയും പ്രേക്ഷക പിന്തുണയും സ്വന്തമാക്കി വന് വിജയമായ പരിയേറും പെരുമാള് ഒരുക്കിയ സംവിധായകനാണ് മാരി ശെല്വരാജ്. അദ്ദേഹത്തിന്റെ പുതിയ ചിത്രത്തില് ധനുഷ് നായകനാകുന്നെന്ന് പ്രഖ്യാപിച്ചതു മുതല് പ്രേക്ഷകര് വലിയ കാത്തിരിപ്പിലാണ്.
Read more
ഫൈനല്സാണ് ഏറ്റവും ഒടുവില് റിലീസിനെത്തിയ രജി ചിത്രം. ഓണം റിലീസായി തിയേറ്ററുകളിലെത്തിയ ചിത്രത്തിന് മികച്ച സ്വീകാര്യതയാണ് ലഭിച്ചത്. അസുരനാണ് റിലീസിന് തയ്യാറെടുക്കുന്ന പുതിയ ധനുഷ് ചിത്രം. മഞ്ജു വാര്യറാണ് ചിത്രത്തില് നായിക. മഞ്ജുവിന്റെ ആദ്യ തമിഴ് ചിത്രമാണിത്. ഒക്ടോബര് നാലിന് ചിത്രം തിയേറ്ററുകളിലെത്തും.