“മാന്‍ഹോളി”ന് ശേഷം നിമിഷ സജയന്‍, രജിഷ വിജയന്‍ എന്നിവരെ കേന്ദ്ര കഥാപാത്രങ്ങളായി വിധു വിന്‍സെന്റ് ഒരുക്കുന്ന ചിത്രമാണ് “സ്റ്റാന്‍ഡ് അപ്പ്”. ഒരു സ്റ്റാന്‍ഡപ്പ് കൊമേഡിയന്റെ കഥ പറയുന്ന ചിത്രത്തില്‍ നടി സീമയും ഒരു പ്രധാന വേഷത്തിലെത്തുന്നുണ്ട്. സീമയുടെ കൂടെ അഭിനയിച്ചതിന്റെ സന്തോഷം പങ്കുവച്ചിരിക്കുകയാണ് രജിഷ വിജയന്‍.
സീമയുടെ അഭിനയത്തില്‍ നിന്നും ഒരുപാട് കാര്യങ്ങള്‍ പഠിക്കാനായെന്നാണ് രജിഷ ഒരു അഭിമുഖത്തിനിടെ വ്യക്തമാക്കിയത്. “”സ്റ്റാന്‍ഡ് അപ്പിലെ സീമ ചേച്ചിയുടെ അഭിനയത്തില്‍ നിന്നും ഒരുപാട് കാര്യങ്ങള്‍ പഠിക്കാന്‍ കഴിഞ്ഞു. ഫിലിമില്‍ വര്‍ക്ക് ചെയ്തിട്ടുള്ളതുകൊണ്ട് തന്നെ അതീവ ശ്രദ്ധയോടെയാണ് സീമ ചേച്ചി ഒരോ ഷോട്ടും അഭിനയിക്കുന്നത്”” എന്നാണ് രജിഷ പറയുന്നത്.
Read more
മലയാളത്തില്‍ ആദ്യമായി സ്റ്റാന്‍ഡ് അപ്പ് കോമഡി പശ്ചാത്തലത്തില്‍ ഒരു സിനിമ ഒരുങ്ങുന്നത് എന്നതാണ് സ്റ്റാന്‍ഡ് അപ്പിന്റെ പ്രത്യേകതകളില്‍ ഒന്ന്. അര്‍ജ്ജുന്‍ അശോകന്‍, സേതുലക്ഷ്മി, വെങ്കിടേശ്, നിസ്താര്‍ അഹമ്മദ്, സജിത മഠത്തില്‍, ജോളി ചിറയത്ത്, രാജേഷ് ശര്‍മ്മ, സുനില്‍ സുഖദ, ഐവി ജുനൈസ്, ദിവ്യ ഗോപിനാഥ്, ധ്രുവ് ധ്രുവന്‍ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
