രാജസ്ഥാന് പിന്നാലെ സഞ്ജയ് ലീലാ ബന്‍സാലി ചിത്രം പദ്മാവതിന് വിലക്കേര്‍പ്പെടുത്തി ഗുജറാത്തും. ജനുവരി 25 ന് റിലീസ് ചെയ്യാനിരിക്കെയാണ് മറ്റൊരു ഇന്ത്യന്‍ സംസ്ഥാനം കൂടി ചിത്രത്തിന് വിലക്കേര്‍പ്പെടുത്തിയിരിക്കുന്നത്.
ഗുജറാത്തില്‍ പദ്മാവതിന് വിലക്കേര്‍പ്പെടുത്തുന്നതായി മുഖ്യമന്ത്രി വിജയ് രൂപാണി അറിയിച്ചു. ദിവസങ്ങള്‍ക്കുമുമ്പ് രാജസ്ഥാന് മുഖ്യമന്ത്രി സിഎം വസുന്ധര രാജെയും ചിത്രത്തിന് വിലക്കേര്‍പ്പെടുത്തുന്നതായി പറഞ്ഞിരുന്നു.
ഏറെ വിവാദങ്ങള്‍ക്കൊടുവില്‍ ഡിസംബര്‍ മാസത്തിലാണ് പേരിലുള്‍പ്പടെ മാറ്റങ്ങള്‍ വരുത്താന്‍ നിര്‍ദ്ദേശിച്ചുകൊണ്ട് സെന്‍സര്‍ ബോര്‍ഡ് പദ്മാവതിന് റിലീസ് ചെയ്യാന്‍ അനുമതി നല്‍കിയത്.
Read more
സിനിമ ജനങ്ങള്‍ കാണാതിരിക്കാനായി റിലീസിംഗ് ദിവസം കര്‍ഫ്യൂ പ്രഖ്യാപിക്കുമെന്ന് രജ്പുത് കര്‍ണി സേന നേതാവ് ലോകേന്ദ്ര സിംഗ് കല്‍വി ഇന്ന് പ്രഖ്യാപിച്ചിരുന്നു. ചിത്രത്തിന് വിലക്കേര്‍പ്പെടുത്തുന്നത് തുടരാന്‍ ഗുജറാത്ത് മുഖ്യമന്ത്രിയെ കാണുമെന്നും ഈ സിനിമ റിലീസ് ചെയ്യില്ലെന്ന എനിക്ക് ഉറപ്പുണ്ടെന്നും കല്‍വി പറഞ്ഞു. ഇതിനകം എട്ട് സംസ്ഥാനങ്ങളില്‍ സിനിമയ്ക്ക് വിലക്കേര്‍പ്പെടുത്തിയിട്ടുണ്ടെന്നും കല്‍വി പറയുന്നു.എന്നാല്‍ കല്‍വിയുടെ പരാമര്‍ശത്തോട് ഗുജറാത്ത് സര്‍ക്കാര്‍ പ്രതികരിച്ചിട്ടില്ല.
