“9”ന് ശേഷം വീണ്ടും പൃഥ്വിരാജ് നിര്മ്മാതാവും നായകനുമാകുന്ന ചിത്രം “ഡ്രൈവിംഗ് ലൈസന്സിന്റെ ഷൂട്ടിംഗ് പൂര്ത്തിയായി. ക്രിസ്മസ് റിലീസായാണ് ചിത്രം തിയേറ്ററുകളിലേക്കെത്തുക.
സംവിധായകന് ലാലിന്റെ മകന് ജീന് പോളാണ് ചിത്രം സംവിധാനം ചെയ്യുന്നത്. ലക്ഷ്വറി കാറുകളോട് ആഭിമുഖ്യമുള്ള സിനിമാതാരമായാണ് പൃഥ്വിരാജ് ചിത്രത്തിലെത്തുന്നത്. വെഹിക്കിള് ഇന്സ്പെക്ടറുടെ വേഷമാണ് സുരാജ് ചിത്രത്തില് അവതരിപ്പിക്കുന്നത്. പൃഥിയുടെയും സുരാജിന്റെ കഥാപാത്രങ്ങള് തമ്മിലുള്ള സംഘര്ഷങ്ങളാണ് ചിത്രത്തിന്റെ ആധാരം.
Read more
ദീപ്തി സതി, മിയ ജോര്ജ് എന്നിവരാണ് നായികമാരായി എത്തുന്നത്. ദീപ്തി പൃഥിരാജിന്റെ ഭാര്യയായാണ് വേഷമിടുന്നത്. സച്ചി തിരക്കഥയൊരുക്കുന്ന ചിത്രത്തിന്റെ ഛായാഗ്രഹണം നിര്വ്വഹിക്കുന്നത് അലക്സ് ജെ പുളിക്കലാണ്. പൃഥിരാജ് പ്രൊഡക്ഷന്സിന്റെ ബാനറില് ലിസ്റ്റിന് സ്റ്റീഫനും ചേര്ന്നാണ് ചിത്രം നിര്മ്മിക്കുന്നത്.