ബ്രമാണ്ഡ ചിത്രമായ “ബാഹുബലി”ക്ക് ശേഷം പ്രഭാസിന്റെ ബിഗ് ബഡ്ജറ്റ് ചിത്രമായ “സാഹോ”ക്കായി കാത്തിരിക്കുകയാണ് ആരാധകര്. എന്നാല് ഇനി താന് ബിഗ് ബഡ്ജറ്റ് ചിത്രങ്ങളിലേക്കില്ലെന്ന് നിലപാടെടുത്തിരിക്കുകയാണ് പ്രഭാസ്. ബാഹുബലി ഉള്പ്പെടെ മൂന്ന് ബിഗ് ബഡ്ജറ്റ് ചിത്രങ്ങളാണ് താരം ഇപ്പോള് ചെയ്തിരിക്കുന്നത്.
“ബിഗ് ബഡ്ജറ്റ് ചിത്രങ്ങള് ചെയ്യുന്നത് സമ്മര്ദ്ദം വര്ദ്ധിപ്പിക്കും. രണ്ട് മൂന്ന് ചിത്രങ്ങള് ചെയ്യാന് കഴിയും. അതിന് കുറേ സമയമെടുക്കും, സഹതാരം ശ്രദ്ധ പോലും രണ്ട് വര്ഷത്തേക്ക് ഈ ചിത്രത്തില് ഒതുങ്ങി” എന്നാണ് താരം ഒരു അഭിമുഖത്തിനിടെ പറയുന്നത്. സാഹോ ബാഹുബലിയുടെ അത്ര കളക്ഷന് നേടുമോയെന്ന് അറിയില്ലെന്നും, ഇത് ഫാന്സിനെ സന്തോഷിപ്പിക്കാനുള്ള ചിത്രമാണെന്നും പ്രഭാസ് പറയുന്നു.
Read more
സുജീത്ത് സംവിധാനം ചെയ്യുന്ന സാഹോ യുവി ക്രിയേഷന്സാണ് നിര്മിക്കുന്നത്. ജാക്കി ഷ്രോഫ്, നീല് നിതിന് മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കര്, അരുണ് വിജയ്, മുരളി ശര്മ തുടങ്ങിയവരും ചിത്രത്തില് വേഷമിടുന്നു. ഓഗസ്റ്റ് 30-നാണ് സാഹോ പ്രദര്ശനത്തിനെത്തുന്നത്. ഹിന്ദി, തമിഴ്, തെലുങ്ക് ഭാഷകളില് പ്രദര്ശനത്തിനെത്തുന്ന ചിത്രത്തിന്റെ മലയാളം ഡബ്ബ് പതിപ്പും അന്നേ ദിവസം തന്നെ റിലീസ് ചെയ്യും.