വിവാദങ്ങള്ക്കിടയിലും സഞ്ജയ്ലീല ബന്സാലി ചിത്രം പദ്മാ
വത് ജനുവരി 25ന് തീയേറ്ററുകളിലെത്താനൊരുങ്ങുകയാണ്. അതേദിവസം തന്നെയാണ് അക്ഷയ് കുമാര് നായകനായ പാഡ്മാന്റെ റിലീസ് നിശ്ചയിച്ചിരുന്നത്. എന്നാല് ബന്സാലി ചിത്രത്തിനായി അക്ഷയ് കുമാറിന്റെ പാഡ്മാന്റെ റിലീസ് മാറ്റിവച്ചു.
അക്ഷയി് കുമാറിന്റെ ഭാര്യയും നടിയുമായ ട്വിങ്കിള് ഖന്നയാണ് ഈ ചിത്രം നിര്മ്മിക്കുന്നത്. പദ്മാവത് എത്രയും വേഗം തന്നെ ജനങ്ങളിലേയ്ക്ക് എത്തേണ്ടത് അനിവാര്യമാണെന്നും അതിനാല് തന്റെ ചിത്രത്തിന്റെ റിലീസ് മാറ്റിവയ്ക്കുകയാണെന്നും അക്ഷയ്കുമാര് അറിയിച്ചു. പകരം ഫെബ്രുവരി 9ന് പാഡ്മാന് റിലീസ് ചെയ്യും. മുംബൈയില് നടന്ന പത്രസമ്മേളനത്തിലാണ് ഇക്കാര്യം അദ്ദേഹം വ്യക്തമാക്കിയത്.
Read more
അതേസമയം പാഡ്മാന്റെ റിലീസ് നീട്ടി വച്ചതില് നന്ദി അറിയിച്ച് സഞ്ജയ് ലീല ബന്സാലിയും രംഗത്തെത്തി. ജീവിതകാലത്തിലൊരിക്കലും താന് ഈ സഹായം മറിക്കില്ലെന്നും അദ്ദേഹം പറഞ്ഞു. “ഏറെ പ്രതിസന്ധികള്ക്കിടയിലാണ് പത്മാവത് റിലീസ് ചെയ്യുന്നത്. അപ്പോഴാണ് അക്ഷയിന്റെ പാഡ്മാനും അതേ തീയതിയിലാണെന്നറിയുന്നത്. റിലീസ് തീയതി മാറ്റാന് അദ്ദേഹത്തോട് അഭ്യര്ത്ഥിക്കുകയും അദ്ദേഹം അത് അംഗീകരിയ്ക്കുകയുമായിരുന്നു- ബന്സാലി പറഞ്ഞു.