മോഹന്‍ലാലന്‍-പ്രിയദര്‍ശന്‍ കൂട്ടുകെട്ടിലെത്തിയ മലയാള ചിത്രമായിരുന്നു “ഒപ്പം”. പ്രിയദര്‍ശന്‍ തിരക്കഥയും സംവിധാനവും വഹിച്ചിരിക്കുന്ന ചിത്രത്തില്‍ അന്ധനായാണ് മോഹന്‍ലാല്‍ എത്തിയത്. ചിത്രം കവച എന്ന പേരില്‍ കന്നഡയില്‍ റീമേക്ക് ചെയ്യപ്പെടുകയാണ്. ശിവരാജ് കുമാറാണ് ചിത്രത്തില്‍ നായകനായെത്തുന്നത്. ചിത്രത്തിലെ വീഡിയോ ഗാനം കഴിഞ്ഞ ദിവസം പുറത്തിറങ്ങി. മിനുങ്ങും മിന്നാമിനുങ്ങേ എന്ന ഗാനത്തിന്റെ കന്നഡ വേര്‍ഷനാണ് പുറത്തിറങ്ങിയിരിക്കുന്നത്.
“രെക്കെയാ കുദുരി യേരി” എന്നു തുടങ്ങുന്ന ഗാനം എസ്.പി ബാലസുബ്രഹ്മണ്യവും ശ്രെയ ജയദീപും ചേര്‍ന്നാണ് ആലപിച്ചിരിക്കുന്നത്. നവാഗതനായ ജിവിആര്‍ വാസുവാണ് കവച സംവിധാനം ചെയ്യുന്നത്. ഇഷ കോപ്പികാര്‍, കൃതിക, ജയപ്രകാശ്, രവി കലേ, വസിഷ്ഠ, തബാല നാനി, രമേഷ് ഭട്ട് എന്നിവര്‍ ആണ് മറ്റ് പ്രധാന കഥാപത്രങ്ങള്‍.
Read more
ബേബി മീനാക്ഷി തന്നെ ആണ് ചിത്രത്തിലെ പ്രധാന റോളിലുള്ള പെണ്‍കുട്ടിയുടെ വേഷം കൈകാര്യം ചെയ്യുന്നത്. അര്‍ജുന്‍ ജന്യയാണ് ചിത്രത്തിനായി സംഗീതം ഒരുക്കുന്നത്. റോണ്‍ ഈഥന്‍ യോഹന്നാനാണ് പശ്ചാത്തല സംഗീതം. ഒപ്പത്തിന് വേണ്ടി പശ്ചാത്തല സംഗീതം ഒരുക്കിയതും റോണ്‍ ഈഥന്‍ ആയിരുന്നു.
