സമാന്തയുടേയും നാഗചൈതന്യയുടേയും വിവാഹമോചനത്തെക്കുറിച്ച് സാമന്തയുടെ പിതാവ് ജോസഫ് പ്രഭുവിന്റെ വാക്കുകളാണ് സോഷ്യല്മീഡിയയില് വൈറലാകുന്നത്. ഇരുവരുടെയും ചിത്രങ്ങള്ക്ക് താഴെയായാണ് അദ്ദേഹം പ്രതികരിച്ചത്. പണ്ട് പണ്ടൊരു കഥയുണ്ടായിരുന്നു. ഇപ്പോഴത് നിലനില്ക്കുന്നില്ല. അതിനാല് നമുക്ക് പുതിയൊരു കഥ ആരംഭിക്കാം, പുതിയൊരു അധ്യായവും തുടങ്ങാമെന്നുമായിരുന്നു അദ്ദേഹം കുറിച്ചത്. നിമിഷനേരം കൊണ്ടായിരുന്നു സമാന്തയുടെ അച്ഛന്റെ വാക്കുകള് ചര്ച്ചയായി മാറിയത്.
നിരവധി പേരായിരുന്നു പോസ്റ്റിന് താഴെയായി കമന്റുകളുമായെത്തിയത്. ആ തീരുമാനവുമായി സമരസപ്പെടാന് സമയമെടുത്തിരുന്നു.എന്നന്നേക്കുമായി അതേക്കുറിച്ചോര്ത്തിരിക്കാനാവില്ല. ജീവിതം വളരെ ചെറുതാണ്. നിങ്ങളുടെ ഇമോഷന്സ് എനിക്ക് മനസിലാക്കാനാവും. കമന്റുകളിലൂടെ ആശ്വസിപ്പിച്ചവര്ക്ക് നന്ദി എന്നുമായിരുന്നു അദ്ദേഹം കുറിച്ചത്.
Read more
തങ്ങള്ക്ക് പരസ്പരം പൊരുത്തപ്പെട്ട് പോവാനാവില്ലെന്ന് മനസിലാക്കിയതോടെയാണ് ഇങ്ങനെയൊരു തീരുമാനമെടുത്തതെന്ന് സമാന്ത നേരത്തെ വ്യക്തമാക്കിയിരുന്നു. വര്ഷങ്ങളായുള്ള സൗഹൃദത്തിനൊടുവിലായാണ് വിവാഹിതരായത്, പക്ഷേ, അത് നിലനിര്ത്താനായില്ലെന്നും ഇരുവരും വ്യക്തമാക്കിയിരുന്നു. സംയുക്ത പ്രസ്താവനയിലൂടെയായാണ് ഇരുവരും വിവാഹമോചനത്തെക്കുറിച്ച് വ്യക്തമാക്കിയത്.